YAP Nəsimi rayon təşkilatında partiya veteranları ilə görüş keçirilib
Aprelin 1-də Yeni Azərbaycan Partiyasının (YAP) Nəsimi rayon təşkilatında F.Nəcəfov adına 266 nömrəli tam orta məktəbin direktor müavini Asəf Vəliyevin 60 illik yubileyi və Dağıstan küçəsi 36 (151 nömrəli tam orta məktəb) üzrə ərazi partiya təşkilatının sədri Nazir Əhmədovun 65 illik yubileyi münasibətilə görüş keçirilib.
Globalnews.az xəbər verir ki, YAP Nəsimi rayon təşkilatın sədri Azər Süleymanov Asəf Vəliyevi və Nazir Əhmədovu yubileyləri münasibətilə təbrik edərək ona möhkəm cansağlığı və ictimai-siyasi fəaliyyətində uğurlar arzulayıb.
Azər Süleymanov bildirib ki, partiya həyatında uzun illər səmərəli fəaliyyət göstərən Asəf Vəliyev və Nazir Əhmədov hər zaman fəal mövqeyi ilə seçilib.
Göstərilən diqqətə və ünvanına söylənilən xoş sözlərə görə təşəkkürlərini bildirən Asəf Vəliyev və Nazir Əhmədov Ulu Öndər Heydər Əliyevin qurucusu olduğu Yeni Azərbaycan Partiyasının sıralarında təmsil olunmaqdan qürur duyduqlarını bildiriblər.
