Azərbaycanın Qarabağ münaqişəsinin başa çatmasından sonra sülh gündəliyini önə çəkməsi Cənubi Qafqazın siyasi gələcəyi baxımından mühüm əhəmiyyət daşıyır. Prezident İlham Əliyev VII Ümumdünya Mədəniyyətlərarası Dialoq Forumunda çıxışı zamanı 2020-ci il müharibəsi və 2023-cü ildə həyata keçirilmiş antiterror əməliyyatı nəticəsində ərazi bütövlüyünün və suverenliyin bərpa olunduğunu vurğulayıb. Çıxışda müharibədən sonrakı mərhələdə sülhə üstünlük verilməsi ayrıca siyasi mesaj kimi diqqət çəkib.
Uzunmüddətli münaqişələr yalnız hərbi və ərazi məsələlərindən ibarət olmur. Onlar cəmiyyətlər arasında etimadsızlıq yaradır, iqtisadi inkişafı məhdudlaşdırır və regional əməkdaşlıq imkanlarını zəiflədir. Buna görə münaqişənin başa çatması ilə yanaşı, davamlı sülhün siyasi və institusional əsaslarının yaradılması da vacibdir.
Azərbaycanın sülh sazişinin təşviqi istiqamətində göstərdiyi təşəbbüslər regional münasibətlərin yeni mərhələyə keçməsi baxımından əhəmiyyətlidir. Prezidentin çıxışında qisas siyasətindən uzaq durmaq və müharibəni davam etdirməmək barədə fikirlər sülhün strateji məqsəd kimi təqdim olunduğunu göstərir. Bununla belə, davamlı nəticə əldə etmək üçün tərəflərin öhdəlikləri və qarşılıqlı etimadın möhkəmləndirilməsi vacibdir.
Gövhər Məmmədova,
YAP Nizami rayon təşkilatının “Bəhruz Nuriyev küçəsi, 15” ərazi partiya təşkilatının sədr müavini
