Müasir beynəlxalq münasibətlər sistemində dövlətlər arasında siyasi dialoqun gücləndirilməsi və iqtisadi əməkdaşlığın genişləndirilməsi mühüm əhəmiyyət daşıyır. 2026-cı il oktyabrın 13-də Azərbaycan Respublikasının Prezidenti Cənab İlham Əliyevin Laos Xalq Demokratik Respublikasının Prezidenti Thonqlun Sisulitin Azərbaycana səfəri zamanı mətbuata verdiyi bəyanat iki ölkə arasında münasibətlərin inkişaf perspektivlərini əks etdirir. Bəyanat siyasi, iqtisadi və humanitar əməkdaşlığın möhkəmləndirilməsi baxımından əhəmiyyətlidir.
Azərbaycanın çoxşaxəli xarici siyasəti müxtəlif regionlarla qarşılıqlı faydalı əlaqələrin qurulmasına və beynəlxalq mövqelərinin möhkəmləndirilməsinə yönəlmişdir. Bu baxımdan Cənub-Şərqi Asiyada yerləşən Laos Xalq Demokratik Respublikası ilə münasibətlərin inkişafı Azərbaycanın Asiya istiqamətində diplomatik əlaqələrinin genişləndirilməsi üçün əhəmiyyətli imkanlar yaradır.
Cənab Prezident İlham Əliyevin bəyanatında iki ölkə arasında siyasi dialoqun davam etdirilməsi, iqtisadi-ticarət əlaqələrinin genişləndirilməsi və yeni əməkdaşlıq imkanlarının yaradılması məsələləri diqqət mərkəzində olmuşdur. Xüsusilə, biznes forumlarının təşkili və sahibkarlar arasında əlaqələrin gücləndirilməsi qarşılıqlı investisiyaların təşviqi baxımından mühüm əhəmiyyət daşıyır. Bununla yanaşı, nəqliyyat-logistika, energetika və kənd təsərrüfatı sahələrində əməkdaşlığın inkişafı iqtisadi münasibətlərin şaxələndirilməsinə töhfə verə bilər.
Humanitar sahədə əməkdaşlıq, xüsusilə təhsil və tələbə mübadiləsi imkanlarının genişləndirilməsi xalqlar arasında qarşılıqlı anlaşmanın möhkəmləndirilməsi baxımından əhəmiyyətlidir. Eyni zamanda, mina təhlükəsi ilə mübarizə sahəsində təcrübə mübadiləsi hər iki ölkə üçün praktik və humanitar əhəmiyyət daşıyan əməkdaşlıq istiqamətlərindən biri kimi qiymətləndirilə bilər.
Cənab Prezident İlham Əliyevin bəyanatı Azərbaycan–Laos münasibətlərinin mövcud potensialının reallaşdırılması və yeni əməkdaşlıq istiqamətlərinin müəyyənləşdirilməsi baxımından mühüm əhəmiyyət kəsb edir. İqtisadi əlaqələrin genişləndirilməsi, humanitar əməkdaşlığın inkişafı və siyasi dialoqun davam etdirilməsi iki ölkə arasında münasibətlərin möhkəmlənməsinə şərait yarada bilər. Fikrimcə, bu əməkdaşlığın davamlı inkişafı Azərbaycanın beynəlxalq tərəfdaşlıq əlaqələrinin şaxələndirilməsinə və Asiya regionunda diplomatik mövqelərinin gücləndirilməsinə töhfə verə bilər.
Zəhra Əhmədli,
YAP Yasamal rayon təşkilatının fəal gənci
