Beynəlxalq təşkilatların Qubadlı rayonunda həyata keçirilən bərpa işlərinə münasibəti və rəsmi mövqe
Azərbaycan Respublikasının Xarici İşlər Nazirliyi tərəfindən işğaldan azad edilmiş Qubadlı rayonundakı mövcud vəziyyət və aparılan quruculuq işləri barədə beynəlxalq ictimaiyyətə müntəzəm olaraq rəsmi məlumatlar təqdim edilir. Xarici dövlətlərin nümayəndələri, diplomatik korpusun rəhbərləri və beynəlxalq təşkilatların təmsilçiləri Qubadlıya səfərlər edərək həyata keçirilən bərpa işləri ilə yaxından tanış olurlar. Bu səfərlər rəsmi Bakının şəffaflıq siyasətinin göstəricisidir.
Beynəlxalq ictimaiyyət Azərbaycan dövlətinin azad edilmiş ərazilərdə qısa müddət ərzində həyata keçirdiyi nəhəng infrastruktur layihələrini yüksək qiymətləndirir. Xüsusilə minalardan təmizləmə prosesi və şəhərsalma tədbirləri beynəlxalq təşkilatlar tərəfindən dəstəklənir. Rəsmi Bakı bu prosesdə beynəlxalq əməkdaşlığa açıq olduğunu dəfələrlə bəyan etmişdir.
Bəzi beynəlxalq media qurumları və ekspertlər Qubadlıda aparılan quruculuq işlərini müasir şəhərsalma təcrübəsinin uğurlu nümunəsi kimi təqdim edirlər. Azərbaycan hökumətinin öz vəsaitləri hesabına həyata keçirdiyi bu layihələr ölkənin iqtisadi qüdrətini nümayiş etdirir. Xarici tərəfdaşlar ilə iqtisadi və texniki sahələrdə əməkdaşlıq perspektivləri müzakirə olunur.
Rəsmi qurumlar tərəfindən beynəlxalq hüququn norma və prinsiplərinə uyğun olaraq həyata keçirilən bu fəaliyyətlər ölkəmizin beynəlxalq nüfuzunu daha da artırır. Qubadlı rayonu artıq dünya ictimaiyyətinə dağıdılmış deyil, inkişaf edən və qurulan bir region kimi təqdim olunur. Bu isə Azərbaycanın haqlı mövqeyinin beynəlxalq müstəvidə təsdiqidir.
Sevda Cabbarova,
YAP Nizami rayon təşkilatının “Babək prospekti, 75” ərazi partiya təşkilatının sədr müavini
