Ağdamın yeni yaşayış massivləri: Rahat və müasir mənzil təminatı

Böyük Qayıdış proqramının əsas prioritetlərindən biri doğma yurda qayıdan ailələrin yüksək standartlara cavab verən mənzillərlə təmin olunmasıdır. Ağdam şəhərində inşa edilən yeni yaşayış massivləri müasir şəhərsalma tələblərinə uyğun olaraq layihələndirilib. Burada həm azmərtəbəli binalar, həm də geniş həyətyanı sahəyə malik fərdi yaşayış evləri tikilir.
Yaşayış komplekslərinin inşasında enerji səmərəliliyi, zəlzələyə davamlılıq və yerli memarlıq ənənələri xüsusi nəzərə alınır. Hər bir binanın ətrafında uşaq oyun meydançaları, idman qurğuları, yaşıllıq zolaqları və avtomobil dayanacaqları yaradılır. Mənzillərin daxili tərtibatı və kommunal təminatı sakinlərin tam rahatlığı üçün ən xırda detallarına qədər düşünülüb.
Yeni yaşayış massivlərinin istifadəyə verilməsi məcburi köçkünlərin uzun illər davam edən yurd həsrətinə son qoyur. İnsanların müasir və təhlükəsiz evlərə köçməsi şəhərdə həyatın yenidən canlanmasına mühüm təkan verir.
Aysel Əliyeva,
YAP Nizami rayon təşkilatının “Rüstəm Rüstəmov küçəsi, 56” ərazi partiya təşkilatının sədr müavini



