Şuşa – Qafqazın Mədəniyyət və Sənət İncisi
Əsrlər boyu Qafqazın mədəniyyət mərkəzi kimi tanınan Şuşa şəhəri Azərbaycan xalqının zəngin bədii təfəkkürünün, musiqisinin və memarlığının beşiyi olmuşdur. 28 illik işğal dövründə şəhərin mədəni həyatı dayandırılsa da, 2020-ci il noyabrın 8-də qazanılan Zəfər bu möhtəşəm irsi yenidən dirçəltdi.
Azadlıqdan sonra Şuşada bərpa olunan tarixi abidələr, yenidən qurulan mədəniyyət ocaqları və keçirilən beynəlxalq festivallar şəhərin Qafqazın sənət incisi statusunu tam bərpa etmişdir. Cıdır düzündən səslənən muğam və klassik musiqi əsərləri bu dirçəlişin ən parlaq göstəricisidir.
Şuşanın mədəni mühiti bu gün gənc rəssamlar, musiqiçilər, şairlər və memarlar üçün tükənməz ilham mənbəyinə çevrilmişdir. Burada təşkil olunan sərgilər və yaradıcılıq forumları sənət adamlarını bir araya gətirir.
Şuşa özünün zəngin mədəni irsi və müasir sənət tədbirləri ilə Qafqazın və bütövlükdə Şərqin parlayan ulduzu olaraq qalmaqdadır.
Zərifə Məmmədova,
YAP Nizami rayon təşkilatının fəalı
