YAP Nəsimi rayon təşkilatında yeni ərazi partiya təşkilatı təsis edilib
YAP Nəsimi rayon təşkilatında 15 iyun Milli Qurtuluş Günü ilə əlaqədar olaraq silsilə tədbirlər keçirilir.
Globalnews.az xəbər verir ki, tədbirlər sırasında Yeni Azərbaycan Partiyası Nəsimi rayon təşkilatında yeni ərazi partiya təşkilatı təsis edilib. YAP Nəsimi rayon təşkilatı “Cavadxan küçəsi 11” ünvanı üzrə yeni ərazi partiya təşkilatı təsis edilib.
Təsis iclasında çıxış edən “Tempus MMC” şirkətinin idarə heyətinin sədri Elşad Nağıyev çıxış edərək bildirdi ki, əsası Ümummilli liderimiz Heydər Əliyev tərəfindən qoyulmuş Yeni Azərbaycan Partiyasının Nəsimi rayon təşkilatının Cavadxan küçəsi 11 ünvanında ərazi partiya təşkilatının təsis edilməsi əlamətdar bir hadisə olduğunu qeyd etdi.
YAP Nəsimi rayon təşkilatının sədri Azər Süleymanov bildirib ki, Yeni Azərbaycan Partiyası o vaxtkı mövcud vəziyyətdə bütün Azərbaycan xalqının mənafelərinə xidmət etmək və xalqın o ağır dövründə ölkəmizin qarşısında duran məsələlərin həlli üçün zamanın tələblərinə uyğun olaraq, zərurətdən yaranmış bir partiyadır.
Çıxışlardan sonra səsvermə keçirilib və Cavadxan küçəsi 11 üzrə ərazi partiya təşkilatı təsis edildi. Sevinc Səmədova yekdilliklə Cavadxan küçəsi 11 üzrə ərazi partiya təşkilatının sədri, Sərxan Nəcəfov isə sədr müavini seçildi. Ərazi partiya təşkilatının seçilmiş sədr və sədr müavini göstərilmiş etimada görə təşəkkürlərini bildiriblər.
