Heydər Əliyevin siyasi iradəsi və xalqına olan sonsuz sədaqəti Azərbaycanın taleyində dönüş nöqtəsi yaratdı. Ölkənin ən çətin anlarında o, qorxuya və xaosa boyun əymədi, qətiyyətli addımları ilə sabitliyin bərpasına nail oldu. Onun rəhbərliyi sayəsində Azərbaycan parçalanma təhlükəsindən xilas olaraq güclü, müstəqil dövlətə çevrildi. Hər qərarında xalqının rifahını düşünən Heydər Əliyev bu millətin həm lideri, həm də xilaskarı oldu.
O, ölkənin bütün sahələrində islahatlar həyata keçirdi, ordunun formalaşması və dövlətçiliyin möhkəmlənməsi üçün tarixi addımlar atdı. Ən çətin dövrlərdə belə, xalqa inamını itirmədi, əksinə, xalqı öz ətrafında birləşdirərək ümid və inam ruhunu yenidən canlandırdı. Onun qətiyyətli mövqeyi Azərbaycanı siyasi böhranlardan, iqtisadi tənəzzüldən və daxili qarşıdurmalardan uzaqlaşdırdı.
Heydər Əliyevin iradəsi yalnız idarəçilik bacarığı ilə deyil, həm də dərin vətən sevgisi ilə seçilirdi. O, xalqın gücünə inanır, hər bir vətəndaşın gələcəyə inamını qorumağı özünün əsas vəzifəsi sayırdı. Məhz bu bağlılıq onu xalqının taleyində əvəzolunmaz şəxsiyyətə çevirdi.
Bu gün Azərbaycan xalqı sabit və güclü bir ölkədə yaşayırsa, bunun əsasında Heydər Əliyevin müdrikliyi, uzaqgörən siyasəti və sarsılmaz iradəsi dayanır. Onun qurtuluş missiyası yalnız bir dövrün deyil, bütöv bir millətin gələcəyini formalaşdıran ən böyük tarixi nailiyyətdir.
Nigar Cəlalova,
YAP Xəzər rayon təşkilatının fəalı
