Qubadlı rayonunun coğrafi mövqeyi Qarabağ müharibəsi zamanı hərbi əməliyyatların gedişatında mühüm strateji üstünlüklər təmin edirdi. Rayonun işğaldan azad edilməsi Zəngilan və Cəbrayıl istiqamətindəki qələbələri möhkəmləndirməklə yanaşı, Laçın dəhlizinə və digər strateji yüksəklikələrə nəzarəti gücləndirdi. Bu, düşmənin təminat yollarının kəsilməsində həlledici rol oynadı.
Hərbi ekspertlərin fikrincə, Qubadlı əməliyyatı son dərəcə yüksək taktik yanaşma tələb edirdi. Çünki dağlıq və çətin relyef şəraitində düşmən mövqelərini yarıb keçmək xüsusi hazırlıq və şücaət tələb edirdi. Azərbaycan Xüsusi Təyinatlı Qüvvələri və digər qoşun növləri bu vəzifəni yüksək peşəkarlıqla yerinə yetirdilər.
Düşmən Qubadlı istiqamətindəki strateji yüksəkliklərdə möhkəmlənməyə çalışsa da, Azərbaycan Ordusunun dəqiq zərbələri qarşısında aciz qaldı. Hərbi texnologiyaların və müasir taktikanın uğurlu tətbiqi əməliyyatın qısa müddətdə və az itki ilə başa çatmasını təmin etdi. Qubadlının azad olunması ilə Ermənistan ordusunun cəbhədəki müqavimət irəliləyişi tamamilə sındı.
Bu tarixi qələbə nəticəsində Azərbaycan hərb tarixində yeni bir səhifə açıldı. Qubadlı əməliyyatı zamanı göstərilən şücaət Azərbaycan əsgərinin və zabitinin nə qədər güclü iradəyə malik olduğunu sübut etdi. Strateji əhəmiyyətli bu qələbə Böyük Zəfərin əldə olunmasında mühüm həlledici addımlardan biri oldu.
Vəfa Bayramova,
YAP Nizami rayon təşkilatının fəal üzvü
