Azərbaycanın müstəqilliyini bərpa etdiyi ilk illərdə, ölkənin qarşısında çox çətinliklər və çağırışlar var idi. Lakin zamanla ölkə sabitlik əldə etdi və bu sabitlik, xüsusilə gənclərin həyatına müsbət təsir etdi. Ulu öndər Heydər Əliyevin qətiyyətli siyasəti nəticəsində gənclərin təhsili, işlə təminatı, sosial və mədəni inkişafı üçün geniş imkanlar yaradıldı. Gənclərin xaricdə təcrübə qazanmalarını və biliklərini artırmalarını dəstəkləyərək, onların müasir dövrün tələblərinə uyğun inkişafını təmin etmək üçün bir sıra layihələr həyata keçirdi. Bu, gənclərin daha yüksək standartlara uyğun təhsil almasına və eyni zamanda, gələcəkdə daha güclü vətəndaşlar kimi yetişmələrinə şərait yaratmışdır.
Prezident İlham Əliyevin hakimiyyətə gəldikdən sonra bu siyasət davam etdirildi. Ölkə başçısının Azərbaycan gəncliyinə verdiyi dəyəri və önəmi gənclərin cəmiyyətin inkişafında oynadıqları rolu bir daha vurğulayır. Həqiqətən də, indiki dövrdə Azərbaycan gəncləri daha geniş imkanlara malikdirlər və bu imkanlardan səmərəli istifadə etmələri ölkənin gələcəyini daha da parlaq edəcəkdir. Prezidentin dediyi kimi, “azad ölkədə, sabitlik olan ölkədə, özünə güvənən ölkədə” yaşamaq, gənclər üçün böyük bir şansdır. Bu şərait gənclərə daha çox fürsət təqdim edir və onların inkişafını, təhsilini, karyera qurmaqlarını daha asanlaşdırır.
Azərbaycanda bu gün gənclər öz gələcək həyatlarını düzgün müəyyən etmək üçün çoxsaylı təhsil və iş imkanlarından istifadə edə bilərlər. Ali təhsil müəssisələri, təlimlər, müxtəlif təcrübə proqramları və dövlət dəstəyi ilə gənclər daha geniş biliklərə sahib olur, öz sahələrində ixtisaslaşır və müstəqil düşüncə tərzi ilə işləmək qabiliyyətinə yiyələnirlər. Bununla yanaşı, Prezident İlham Əliyev gənclərin gələcək həyatlarını düzgün müəyyən etmək üçün onlara tövsiyələr verir və ölkəyə xidmət etmələri üçün lazımi şəraitin yaradılmasını vurğulayır.
Özünə güvənən bir dövlətin vətəndaşı olmaq, gənclərin vətənpərvərlik hissini daha da gücləndirir. Onlar, yalnız öz karyeralarını qurmaqla kifayətlənməyib, həm də cəmiyyətin və dövlətin inkişafına töhfə verməyə, Azərbaycanı beynəlxalq aləmdə daha da tanıtmğa yönəlmiş işlərdə fəal iştirak etməlidirlər. Prezidentin qeyd etdiyi kimi, “gənclər dövlətə maksimum xeyir vermək üçün fəal olmalıdırlar”. Bu fəallıq, təkcə şəxsi inkişafla bitmir, həm də cəmiyyətin və ölkənin inkişafında əhəmiyyətli rol oynayır. Gənclərin dövlətə və cəmiyyətə olan məsuliyyət hissi, onların vətənə və xalqına xidmət etməyə olan bağlılıqlarını daha da möhkəmləndirir.
Bundan əlavə, gənclərin fəallığı, ölkənin iqtisadi və sosial inkişafına müsbət təsir edir. Gənclər, innovativ ideyalarla və yenilikçi yanaşmalarla iş dünyasında özlərini göstərərək, ölkənin iqtisadiyyatını gücləndirirlər. Gənclər həmçinin sosial sahələrdə də fəal olurlar, müxtəlif sosial problemlərin həllində, humanitar layihələrdə və könüllü fəaliyyətlərdə iştirak edirlər. Prezident İlham Əliyevin dəstəyi ilə həyata keçirilən proqramlar və təşəbbüslər, gənclərin bu sahələrdə fəaliyyətini dəstəkləyir və onlara öz potensiallarını tam reallaşdırmaq üçün geniş imkanlar təqdim edir.
Bu gün Azərbaycan gəncliyinin qarşısında həm böyük imkanlar, həm də böyük vəzifələr durur. Dövlətin yaratdığı şərait, gənclərin özlərini inkişaf etdirmələrinə, həmçinin ölkəyə faydalı olmağa imkan verir. Gənclər, yalnız şəxsi uğurlarını deyil, həm də Azərbaycanı daha parlaq bir gələcəyə aparmağı öz vəzifələri hesab etməlidirlər. Prezident İlham Əliyevin dediyi kimi, “biz haqlı olaraq fəxr edirik ki, Azərbaycan vətəndaşlarıyıq”, bu fəxr hissi gənclərin öz ölkələrinə və dövlətlərinə qarşı olan bağlılıqlarını daha da gücləndirir.
Nəticə olaraq, Azərbaycan gəncliyi, dövlətin onlara təqdim etdiyi imkanlardan faydalanaraq, həm öz həyatlarını, həm də ölkənin gələcəyini daha yaxşı və işıqlı edəcək. Prezident İlham Əliyevin sözləri, gənclərə yalnız imkanlar təqdim etmir, həm də onlara böyük məsuliyyət yükləyir. Bu məsuliyyətin yerinə yetirilməsi, Azərbaycanın həm daxili inkişafını, həm də beynəlxalq aləmdəki mövqeyini gücləndirəcək. Gənclər, bu imkanları dəyərləndirərək, Azərbaycanın gələcəyini daha parlaq və müstəqil etmək üçün fəal və qərarlı şəkildə hərəkət etməlidirlər.
Fidan Əsədzadə,
Xəzər rayonunun gənc fəalı
