Nəsimi rayon İcra Hakimiyyətinin təşkilatçılığı ilə A.Novruzbəyli adına 46 nömrəli tam orta məktəbdə “Yaşıl dünya naminə həmrəylik ili” çərçivəsində keçirilən tədbirdə YAP Nəsimi rayon təşkilatının sədri Azər Süleymanov, Nəsimi rayon İcra Hakimiyyətinin məsul əməkdaşları, Təhsil İşçiləri Azad Həmkarlar İttifaqının Nəsimi rayon Komitəsinin sədri, məktəbin pedaqoji kollektivi, valideynlər və şagirdlər iştirak edib.
Globalnews.az xəbər verir ki, Azərbaycan Respublikasının Dövlət Himni səsləndirildikdən sonra tədbiri giriş sözü ilə məktəbin direktoru Sevinc Budaqova açaraq qonaqları salamlamış və tədbirin əhəmiyyəti barədə tədbir iştirakçılarına məlumat verib. Daha sonra çıxış edən natiqlər Azərbaycanda həyata keçirilən sosial-iqtisadi inkişaf strategiyası, ekoloji problemlərin operativ surətdə yoluna qoyulması, ətraf mühitin mühafizəsi istiqamətində və eləcə də Azərbaycanda elan olunan “Yaşıl dünya naminə həmrəylik ili” çərçivəsində ardıcıl və səmərəli şəkildə görülən işlər barəsində söz açıblar.
Məktəblilər təbiətin qorunması ilə bağlı fikirlərini söylədilər. Rəngarəng səhnəciklər könülləri oxşadı.
Sonda xatirə şəkli çəkildi.
