Bu gün Azərbaycan regionda sabitlik və tərəqqi modeli kimi ön plana çıxır. Ölkənin siyasi sistemi güclü dövlətçilik prinsipləri üzərində qurulub və bu, davamlı inkişafın əsas təminatına çevrilib. Qanunverici, icraedici və məhkəmə hakimiyyətləri arasında balans, habelə idarəetmədə dayanıqlılıq, ölkənin daxili və xarici siyasətində ardıcıl kursun qorunmasına imkan verir.
İqtisadi sahədə də Azərbaycan mühüm irəliləyişlər əldə edib. Neft və qaz gəlirlərinin səmərəli şəkildə yönləndirilməsi nəticəsində qeyri-neft sektoru gücləndirilib, infrastruktur yenilənib, regionların inkişafı təmin olunub. Kənd təsərrüfatı, turizm, informasiya texnologiyaları kimi sahələrdə dövlət dəstəyi biznes mühitini canlandırıb və yeni iş yerlərinin yaranmasına şərait yaradıb.
Makroiqtisadi sabitlik qorunaraq, ölkə beynəlxalq reytinq agentlikləri tərəfindən etibarlı tərəfdaş kimi qiymətləndirilir. Xarici sərmayədarların marağı artmaqda davam edir, xüsusilə enerji və logistika sahələrində böyük layihələr həyata keçirilir. Bütün bu proseslər Azərbaycan iqtisadiyyatını daha da rəqabətqabiliyyətli və dayanıqlı edir.
Əldə olunan uğurlar təsadüfi deyil – onların kökündə sabit idarəetmə, müdrik qərarlar və strateji planlaşdırma dayanır. Azərbaycanın bugünkü gücü məhz sabit siyasi sistem və inkişaf etməyə qadir iqtisadi bazanın vəhdətində əks olunur.
YAP Xəzər rayon təşkilatının fəalı
Nigar Cəlalova
