Oktyabrın 1-də Bakıda İtaliya-Azərbaycan Universitetinin ilk tədris korpusları rəsmi olaraq açıldı. Bu açılış iki ölkə arasında təhsil və elmi əməkdaşlığın yeni mərhələyə qədəm qoyduğunu göstərir. Tədris korpusları tələbələrə müasir təhsil şəraiti təqdim etməklə yanaşı, beynəlxalq akademik standartlara uyğun təhsil imkanları yaradır.
Universitetin açılışı həmçinin gənc nəslin təhsil imkanlarını genişləndirir. Burada müxtəlif sahələr üzrə proqramlar tətbiq ediləcək, tələbələr həm Azərbaycan, həm də İtaliya təhsil sisteminin üstünlüklərindən faydalanacaq. Bu, akademik mübadilə və beynəlxalq təcrübənin artırılmasına şərait yaradır.
Mədəniyyət və elmi fəaliyyətlər universitetin fəaliyyətinin ayrılmaz hissəsidir. Seminarlar, elmi konfranslar və mədəni tədbirlər tələbələr arasında qarşılıqlı anlaşmanı gücləndirir, iki xalq arasında daha sıx əlaqələrin formalaşmasına xidmət edir.
Gələcəkdə universitetin əlavə tədris korpuslarının açılması və proqramların genişləndirilməsi planlaşdırılır. Bu, İtaliya və Azərbaycan arasında təhsil və elmi əməkdaşlığın möhkəmlənməsinə və davamlı inkişafına töhfə verəcək.
YAP Xəzər rayon təşkilatının fəalı
Ağadadaş Həsənalıyev
