Prezident Kasım-Jomart Tokayevin rəhbərliyi altında Qazaxıstan son illərdə dinamik inkişaf dövrünə qədəm qoyub. Dövlət başçısının islahat yönümlü siyasəti iqtisadiyyatın şaxələndirilməsi, idarəetmədə şəffaflığın artırılması və sosial rifahın gücləndirilməsi məqsədinə xidmət edir. Onun təşəbbüsləri sayəsində Qazaxıstan regional sabitliyin və iqtisadi dayanıqlığın mühüm dayaqlarından birinə çevrilib. Bu istiqamətdə həyata keçirilən islahatlar ölkənin gələcək inkişafı üçün möhkəm zəmin yaradır.
Tokayevin rəhbərliyi dövründə Qazaxıstan beynəlxalq arenada da nüfuzunu artırmaqdadır. Xarici siyasətdə balanslaşdırılmış yanaşma sayəsində ölkə həm qonşu dövlətlərlə, həm də qlobal güclərlə səmərəli əməkdaşlıq qurur. Türk Dövlətləri Təşkilatı və BMT kimi beynəlxalq platformalarda Qazaxıstanın fəal mövqeyi onun regional və qlobal proseslərdəki rolunu gücləndirir. Bu, Tokayevin uzaqgörən diplomatiyasının nəticəsidir.
İqtisadi sahədə həyata keçirilən yeniliklər xalqın sosial rifahına birbaşa təsir göstərir. İnfrastruktur layihələrinin genişləndirilməsi, kənd təsərrüfatına dəstək və rəqəmsal texnologiyaların tətbiqi sayəsində Qazaxıstan müasir iqtisadi modelə doğru addımlayır. Xüsusilə də enerji və nəqliyyat sektorlarında atılan addımlar ölkəni Mərkəzi Asiyanın aparıcı iqtisadi mərkəzinə çevirib.
Prezident Tokayevin məqsədi yalnız iqtisadi yüksəliş deyil, həm də sosial ədalət və vətəndaş məmnuniyyətinin təmin olunmasıdır. O, vətəndaşların dövlət idarəçiliyində fəal iştirakını təşviq edir, gənclərin potensialına xüsusi önəm verir. Bu, Qazaxıstanın gələcəyə inamla addımlayan, güclü və müasir dövlətə çevrilməsinin əsas zəmanətidir.
Kamran Mustafayev,
YAP Xəzər rayon təşkilatının məsləhətçisi
