Diplomatik protokollarda dövlət başçılarının ən ali ordenlərlə təltif edilməsi nadir və çox dərin məna kəsb edən hadisədir. 31 iyul 2026-cı ildə Azərbaycan və Qırğızıstan liderləri arasında baş tutan qarşılıqlı ali təltifləndirmə mərasimi dövlətlərarası münasibətlərimizin əbədi qardaşlıq və sarsılmaz dostluq səviyyəsində olduğunu bütün dünyaya elan etdi.
Prezident İlham Əliyevin Qırğızıstanın 1-ci dərəcəli “Manas” ordeni ilə mükafatlandırılması, eyni zamanda Prezident Sadır Japarovun Azərbaycanın ali “Heydər Əliyev” ordeninə layiq görülməsi xalqlarımızın ümummilli dəyərlərinin və liderlərinin bir-birinə olan dərin ehtiramının təcəssümüdür. Bu nişanlar şəxsi dostluğun, siyasi etimadın və müttəfiqliyin ən ali simvoludur.
Bu cür tarixi addımlar xalqlarımızın yaddaşına əbədi həkk olunur və gələcək nəsillər üçün qardaşlığın bir etalonu kimi qalır. Ali ordenlərin mübadiləsi sübut edir ki, Azərbaycan və Qırğızıstan arasında qurulan bu strateji bina ən möhkəm təməllər üzərində yüksəlir.
Sədaqət Hacıyeva,
YAP Nizami rayon təşkilatının mühasibi
