Füzulinin işğaldan azad edilməsi yalnız hərbi qələbə deyil, həm də bölgənin gələcək inkişafı üçün yeni imkanların yaranması demək idi. Prezident İlham Əliyevin rəhbərliyi ilə şəhərin yenidən qurulması zamanı nəqliyyat infrastrukturuna xüsusi diqqət yetirildi. Bu baxımdan Füzuli Beynəlxalq Hava Limanının inşası və istifadəyə verilməsi mühüm strateji əhəmiyyət daşıyır.
Hava limanının yaradılması qısa müddətdə genişmiqyaslı infrastruktur layihələrinin həyata keçirilməsinin nümunəsidir. Müasir hava limanı Füzulinin ölkənin digər bölgələri və beynəlxalq istiqamətlərlə əlaqələrini gücləndirir. Eyni zamanda, Qarabağa gələn rəsmi nümayəndə heyətlərinin, investorların və qonaqların bölgəyə səfərlərini asanlaşdırır.
Prezident İlham Əliyevin iştirakı ilə həyata keçirilən infrastruktur layihələri Füzulinin gələcək iqtisadi potensialının inkişafına zəmin yaradır. Hava limanı yeni nəqliyyat imkanları ilə yanaşı, turizm, xidmət sektoru, sahibkarlıq və logistika sahələrinə də müsbət təsir göstərə bilər. Bu imkanlardan səmərəli istifadə şəhərin iqtisadi fəallığının artmasına kömək edəcək.
Hava limanı ilə yanaşı, Füzulidə avtomobil yollarının, yaşayış sahələrinin və sosial obyektlərin yaradılması kompleks inkişaf modelinin əsasını təşkil edir. Məqsəd ayrı-ayrı obyektlər tikməklə kifayətlənməmək, bir-biri ilə əlaqəli infrastruktura malik müasir şəhər formalaşdırmaqdır. Belə yanaşma sakinlərin rahatlığını və şəhərin uzunmüddətli dayanıqlığını təmin etməyə yönəlib.
Füzuli Şəhəri Günü bu nailiyyətləri qiymətləndirmək üçün əlamətdar tarixdir. Prezident İlham Əliyevin rəhbərliyi ilə azad edilmiş ərazilərdə həyata keçirilən quruculuq işləri qələbənin real inkişaf nəticələrinə çevrilməsini nümayiş etdirir. Füzuli Beynəlxalq Hava Limanı isə şəhərin yeni dövrə qədəm qoymasının və Qarabağın gələcək iqtisadi əlaqələrinin genişlənməsinin rəmzlərindən biridir.
Şəbnəm Quliyeva,
YAP Nizami rayon təşkilatının fəalı
