“Fəaliyyətimizi Azərbaycanla birlikdə TANAP üzərində davam etdiririk” – Ərdoğanın sözçüsü

“TANAP-ın tutumu iki dəfə artacaq. Rusiya-Ukrayna müharibəsi bitəndə də bu sərmayələr bizə qayıdacaq”.

Globalnews.az “Qafqazinfo”ya istinadən xəbər verir ki, bu barədə Türkiyə Prezidenti Rəcəb Tayyib Ərdoğanın sözçüsü İbrahim Kalın deyib.

O bildirib ki, həm Azərbaycan tərəfi, həm də Türkiyə TANAP-dakı fəaliyyətlərini birlikdə davam etdirir.

“Aralıq dənizində də qaz ehtiyyatı tapa bilərik. Oradakı ehtiyat Türkiyəni enerji bazarında çox fərqli bir nöqtəyə aparacaq”, – deyə Kalın qeyd edib.