Azərbaycanın yaşıl gündəliyinin genişliyi təkcə daxili siyasətin deyil, həm də qlobal strateji baxışın nəticəsidir. Ölkə rəhbərliyi tərəfindən həyata keçirilən siyasətlər, xüsusilə COP29 ərəfəsində, iqlim dəyişiklikləri ilə mübarizə və ekoloji tarazlığın qorunmasına yönəlmişdir. Bu gündəlik enerji keçidi, ətraf mühitin qorunması və bərpa olunan resurslara əsaslanan iqtisadiyyatın qurulması ilə əhatələnir.
Bərpa olunan enerji sahəsində atılan addımlar bu gündəliyin ən mühüm hissəsini təşkil edir. Qarabağ və Şərqi Zəngəzur yaşıl enerji zonası elan olunub, külək və günəş enerjisi üzrə böyük layihələrə start verilib. Bu təşəbbüslər təkcə elektrik təminatını deyil, həm də karbon emissiyalarının azaldılmasını hədəfləyir.
Ətraf mühitin mühafizəsi sahəsində də geniş tədbirlər həyata keçirilir. Meşələrin bərpası, su ehtiyatlarının qorunması və tullantıların idarə olunması üzrə strategiyalar hazırlanıb. Hökumət bu sahədə yerli və beynəlxalq təşkilatlarla əməkdaşlığı gücləndirir ki, nəticələr daha sistemli və uzunmüddətli olsun.
Yaşıl gündəlik sadəcə bir ekoloji plan deyil, gələcək nəsillərə daha sağlam və balanslı bir mühit buraxmaq üçün dövlət iradəsinin ifadəsidir. Bu yol xəritəsi Azərbaycanın qlobal ekoloji çağırışlara cavab verən məsuliyyətli ölkə kimi mövqeyini möhkəmləndirir.
Kamran Mustafayev
YAP Xəzər rayon təşkilatının məsləhətçisi
