Dövlət başçısı cənab İlham Əliyevin Davosda keçirilən Dünya İqtisadi Forumu çərçivəsində Çinin CGTN (China Global Television Network) telekanalına verdiyi müsahibə Azərbaycanın enerji təhlükəsizliyi, iqtisadi inkişaf və regional əməkdaşlıq sahələrindəki uğurlarını geniş beynəlxalq auditoriyaya çatdırmaq üçün geniş imkan yaratdı. Xüsusilə, “Cənub Qaz Dəhlizi” kimi strateji layihələrin təqdimatı vasitəsilə Azərbaycanın təkcə öz regionunda deyil, həm də Avropa və Asiya enerji təhlükəsizliyində oynadığı mühüm rol nümayiş etdirildi. Bu, Azərbaycanın enerji sahəsindəki liderliyini və qlobal enerji bazarları ilə inteqrasiyasını bir daha təsdiqlədi.
Prezident cənab İlham Əliyevin CGTN telekanalına verdiyi müsahibə Azərbaycanın regional və qlobal arenada artan nüfuzunu, həmçinin ölkənin enerji, iqtisadi inkişaf və sülh proseslərindəki uğurlarını nümayiş etdirdi. Bu müsahibə vasitəsilə Azərbaycanın müstəqil xarici siyasəti, iqtisadi islahatlar və innovasiyalar sahəsindəki addımları geniş beynəlxalq auditoriyaya çatdırıldı. Bu, ölkənin gələcək inkişaf perspektivlərini təqdim etməklə yanaşı, Azərbaycanın qlobal tərəfdaşlıq və dialoq platformalarında fəal iştirakının əhəmiyyətini bir daha təsdiqlədi.
Ölkə başçısının müsahibəsi Azərbaycanın dünya ictimaiyyəti qarşısında müasir, dinamik və tərəfdaşlığa açıq bir dövlət kimi imicini daha da möhkəmləndirdi. Bu, təkcə ölkənin daxili inkişafı üçün deyil, həm də regional və qlobal səviyyədə sabitlik və əməkdaşlığın təşviqi üçün mühüm bir addım oldu.
Müsahibə zamanı Prezident cənab İlham Əliyev Azərbaycanın ərazi bütövlüyünün və suverenliyinin tam bərpasını son illərin ən mühüm nailiyyəti kimi qiymətləndirib. O, bu prosesin beynəlxalq hüququn norma və prinsiplərinə, BMT Nizamnaməsinə və BMT Təhlükəsizlik Şurasının qətnamələrinə uyğun olaraq həyata keçirildiyini vurğulayıb. Dövlət başçısı qeyd edib ki, beynəlxalq hüququn normaları işləmədiyi və beynəlxalq təşkilatlar yardımçı olmadığı üçün Azərbaycan ədaləti özü bərpa etməli olub.
Dünyada Azərbaycanın yerinə toxunan ölkə rəhbərimiz ölkəmizin müstəqilliyinin bərpasından bəri güclü və özünü təmin edən iqtisadiyyat qurduğunu bildirib. O, xarici borcun ÜDM-ə nisbətinin cəmi 6,9 faiz olduğunu qeyd edərək, Azərbaycanın regionda genişmiqyaslı layihələr həyata keçirdiyini və Cənubi Qafqaz və Xəzər regionunda etibarlı mövqe tutduğunu vurğulayıb. Dövlət başçısı milli maraqların, həyat tərzinin və müstəqil siyasətin müdafiə edildiyini və bu istiqamətdə çoxlu uğurların əldə olunduğunu bildirib.
Azərbaycan Respublikasının Prezidenti cənab İlham Əliyevin Davosda, Dünya İqtisadi Forumu çərçivəsində Çinin CGTN telekanalına verdiyi müsahibə, Azərbaycanın beynəlxalq aləmdəki nüfuzunun artması, milli maraqlarının qorunması və qlobal siyasi-iqtisadi mühitin bir parçası kimi çıxış etməsi baxımından çox vacibdir.
Bu müsahibənin əhəmiyyəti ilk növbədə, Azərbaycanın 2020-ci ildə Qarabağda qazandığı tarixi qələbə və bunun nəticəsində ərazi bütövlüyünün bərpa olunması kimi vacib bir prosesin beynəlxalq ictimaiyyətə çatdırılmasında mühüm rola malikdir.
Davos kimi qlobal bir platformada, Prezident cənab İlham Əliyevin CGTN telekanalına müsahibəsi, Azərbaycanın Asiya regionu, xüsusən Çinlə olan siyasi və iqtisadi əlaqələrini gücləndirmək potensialına malikdir. Bu da ölkəmizin xarici siyasətində şaxələnmə və yeni bazarlara açılışı bərabərdir.
Nəzrin Bayramova,
YAP Xəzər rayon təşkilatının məsləhətçisi
