Aprelin 2-də Azərbaycan Respublikasının Prezidenti İlham Əliyevin Almaniya Federativ Respublikasını Prezidenti Frank-Valter Ştaynmayer ilə geniş tərkibdə görüş keçirilib.Görüşdə çıxış edən Cənab Prezident qonaqları salamlayaraq, onlara xoş vaxt keçirmələrini arzulayıb.
Bizim elə indicə cənab Prezidentlə məhsuldar görüşümüz oldu, deyə vurğulayan ölkə başçısı, görüş zamanı ikitərəfli gündəliyə daxil olan geniş, əhatəli məsələləri eləcə də beynəlxalq məsələlərinmüzakirə olunduğunu bildirdi. Almaniya Prezidentini Azərbaycanda qəbul etməkdən çox məmnun olduğunu diqqətə çatdıran İlham Əliyev bildirdi ki, bizim mütəmadi təmaslarımız olub. Biz keçən il Berlində görüşmüşdük və dəvətimi qəbul etdiyinizə görə sizə minətdaram. Əminəm ki, səfər çox faydalı, məhsuldar olacaq və bizim ikitərəfli əlaqələrimizə yeni təkan verəcəkdir. Xoş gəlmisiniz cənab Prezident.
Prezident Frank-Valter Ştançayer görüş zamanı dedi:Təşəkkür edirəm, cənab Prezident Səmimi dəvətinizə görə. İcazə verin bildirim ki, uzun illərdən sonra yenidən Azərbaycanda olmaq xoşdur. Sonuncu səfərim xarici işlər naziri qismində 2016-cı ildə oldu. Ötən 9 ildə geosiyasi dəyişikliklərə gəlincə , bu əbədiyyət kimi görünür. Lakin düzünü söyləsək mən təxminən iki il bundan əvvəl Azərbaycan ərazisində- Xəzərin şərq hissəsində olmuşam. Sizin Aktaudakı logistika mərkəzini ziyarət edərkən və Azərbaycan gəmisinə minərkən mən öyrəndim ki, bu gəmi Azərbaycan ərazisidir. Ona görədə buraya Bakıya yenidən qayıtmaq və bu günlərdə zəruri olan çox geniş fikir mübadiləsi aparmaq üçün imkana malik olmaq xoşdur.
Görüşdə Orta Dəhliz layihəsi və bu layihədə Azərbaycanın rolu ölkələrimiz arasında enerji sahəsində əməkdaşlıq məsələləri müzakirə edildi, yaşıl enerji ilə bağlı əməkdaşlığa toxunuldu. COP 29-un Azərbaycanda yüksək səviyyədə təşkil edildiyi və həmin həmin tədbir zamanı iqlim gündəliyi ilə bağlı mühüm nəticələrin əldə olunduğu vurğulandı. Söhbət zamanı humanitar əlaqələrin inkişafına toxunuldu. Alman icmasının uzun illər Azərbaycanda sülh və əmin amanlıq şəraitində yaşaması və onlarla dövlət səviyyəsində göstərilən yüksək diqqət qeyd edildi.
Azərbaycan bu ölkə ilə əlqalərin inkişafına mühüm önəm verir. Ötən il fevralın 20-də iki ölkə arasında diplomatik münasibətlərin qurulmasının 30 illiyi qeyd olunub. Bu müddət ərzində Azərbaycan Almaniya arasında müxtəlif sahələrdə əməkdaşlıq sürətlə inkişaf edib. Xalqımız arasında əlaqələrin dərin tarixi kökləri vardır. XIX əsrdə bir qrup alman ailə Azərbaycan ərazisinə köçüb, burada üzümçülüyün və şərabçılığın inkişafında mühüm rol oynayıb, eləcədə iqtisadiyyatın digər sahələrinin inkişafına böyük töhvə verib. Azərbaycanda iki alman koloniyası Yelendorf Gəncədən 7-8 kilometr aralıda, Xanlar deyilən kənddə (indiki Göygöl şəhəri) salınıb, Sonradan isə Gəncədən 35 kilometr şimal-qərbdə yerləşən indiki Şəmkir torpaqlarında Annenfeld adlı ikinci koloniya yaradılıb sonradan isə almanlar bu ərazilərdə yayılaraq Gəncə və qazax qəzalarında Georqsfeld (Şəmkirin Çinarlı qəsəbısi), Alekseyevka , Qrünfeld ( Ağstafanın həsənsu kəndi) Ayxenfeld ( Şəmkirin İrmaşlı kəndi) kimi koloniyalar yaradıblar. Onlar Azərbaycanın siyasi həyatında da iştirak ediblər. Belə ki, Azərbaycan Xalq Cümhuriyyətinin Parlamentində milli azlıq fraksiyasının 4 üzvündən biri Alman əsilli Lorentz Kuntz olub.O. Azərbaycandakı Alman icmasını təmsil edib. İndi də Azərbaycan dövləti və xalqı ölkəmizdə Alman tarixi və mədəni irsinə böyük hörmətlə yanaşır, onun qorunub saxlanılmasını təmin edir.
Ölkələrimiz arasında səhiyyə sahəsində də əməkdaşlıq genişlənir. 2008-2016-cı illərdə tibbin prioritet sahələri üzrə 300 yaxın azərbaycanlı tibb mütəxəssisi Almaniyada təkmilləşmə kurslarına göndərilib. Bu gün də Almaniyada tibb sahəsində təhsil alan tələbələrin sayı kifayət qədərdi. Bütün bunları nəzərə alaraq əminliklə demək olar ki, bu səfər zamanı keçiriləcək görüşlər, aparılacaq danışıqlar nəticəsində Azərbaycanla Almaniya arasında münasibətlər yeni inkişaf mərhələsinə, qədəm qoyacaq, bir sıra sahələrdə əməkdaşlıq əlaqələrinin qurluması və genişləndirilməsi üçün əlverişli imkanlar yaranacaq.
Qasımov Hikmət
Xəzər rayonu 323 nömrəli tam orta məktəbin müəllimi
