Azərbaycan və Çin arasında strateji tərəfdaşlığın möhkəmləndirilməsi məqsədilə mühüm bir addım atılıb – iki ölkə Bəyannamə imzalayaraq əməkdaşlığı yeni səviyyəyə qaldırıb. Bu sənəd ticarət, enerji, nəqliyyat və digər sahələrdə ikitərəfli münasibətlərin dərinləşməsini nəzərdə tutur. Xüsusilə, Azərbaycanın tranzit imkanları və Çinin “Bir Kəmər, Bir Yol” təşəbbüsü çərçivəsində əməkdaşlıq perspektivləri diqqət mərkəzindədir.
Sənədin imzalanması iqtisadi və siyasi əlaqələrin daha da güclənəcəyini göstərir. Azərbaycan Çin üçün etibarlı enerji və logistika tərəfdaşıdır, Çin isə Azərbaycanın qeyri-neft sektoruna sərmayə yatırır. İkitərəfli ticarətin genişləndirilməsi və texnologiya sahəsində əməkdaşlıq da tərəflərin prioritetlərindən biridir. Bu bəyannamə ölkələr arasında yeni investisiya və infrastruktur layihələrinin həyata keçirilməsinə də təkan verəcək.
Azərbaycan və Çin arasındakı strateji tərəfdaşlıq regional sabitliyə və qlobal ticarət əlaqələrinin inkişafına töhfə verir. İkitərəfli münasibətlərin güclənməsi nəqliyyat dəhlizlərinin səmərəliliyini artırır və Avrasiya məkanında iqtisadi inteqrasiyanı daha da dərinləşdirir. Bu əməkdaşlıq gələcəkdə daha geniş miqyasda inkişaf edəcək.
Sünbül Həsənquliyeva,
YAP Xəzər rayon təşkilatının fəalı
