Müasir dövrün siyasi arenasında dövlətlərarası münasibətlərdə ikili əməkdaşlıq xüsusi əhəmiyyət daşıyır. Azərbaycan dövləti də siyasi, iqtisadi əlaqələrini bu istiqamətdə gücləndirmə siyasəti yerinə yetirir. Bu günün reallığı Cənubi Qafqazda regional gücün mərkəziyik. Bu səbəbdən də siyasi əlaqələrin tənzimlənməsi də Azərbaycan əhəmiyyətli müttəfiqdir.Dostluq və əməkdaşlığa əsaslanan dövlət siyasəti uğurla davam etməkdədir. Almaniya Federativ Respublikasının Prezidenti Frank-Valter Ştaynmayerin aprelin 2-də Azərbaycana səfəri də bunu sübut edir. İki ölkə arasında qarşılıqlı münasibətləri XX əsrin sonlarından etibarən daha da intensivləşmişdir. 1992-ci ildən etibarən hər iki ölkədə diplomatik münasibətlərin nəticəsi kimi səfirliklər fəaliyyətə başlamışdır. Bundan sonrakı dövrdə Azərbaycan-Almaniya arasında əlaqələr mütəmadi olaraq inkişaf edib. Uzun illərdi ki, davam edən əlaqələr siyasi, iqtisadi, mədəni, elmi-texniki yeniliklər istiqamətini əhatə edir.
Almaniya Federativ Respublikasının prezidentinin səfəri bizim əlaqələrimizə yeni müsbət təkan verəcəkdir. Görüşlər həm təkbətək, həm də nümayəndə heyətlərinin iştirakı ilə aparılan danışıqlarda iki dövlət arasındakı əlaqələrin gələcək inkişafı istiqamətində olmuşdur. İqtisadi sahədə əldə edilmiş nəticələr bizi təbii olaraq ruhlandırır. Çünki bu ilin yanvar-fevral aylarında bizim ticarət dövriyyəmiz təxminən üç dəfə artıb. Bunun əsas səbəbi Azərbaycandan Almaniyaya ixrac edilən xam neftin həcminin artması olmuşdur. Ona görə biz hesab edirik ki, gələcək illərdə öz ticarət dövriyyəmizin şaxələndirilməsi ilə bağlı daha fəal addımlar atmalıyıq. Xüsusilə bərpaolunan enerji sahəsində fəaliyyətimiz daha uğurlu ola bilər. Bu sahədə Almaniya şirkətlərinin çox böyük təcrübəsi var. Azərbaycan bərpaolunan enerji məsələsində daha qabacıl planlara yönəlib. Biz xarici investorların sərmayəsi hesabına 2030-cu ilə qədər bərpaolunan enerji növlərinin istehsal gücünü 6 giqavata çatdırmaq fikrindəyik. Vacib olan tərəf bunun tam real olmasıdır. Əldə edilən enerjinin bir hissəsi Avropaya ixrac ediləcəkdir.
Ölkəmiz COP29 beynəlxalq iqlim konfransı uğurlu nəticələr əldə etdi. Keçən il Azərbaycan COP29 beynəlxalq iqlim konfransına ev sahibliyi etmişdir. Bu istiqamət üzrə də bizim Almaniya ilə çox fəal əməkdaşlığımız olub. COP29-da 197 ölkəni təmsil edən 77 mindən çox iştirakçı qeydiyyatdan keçmişdir. Bu konfrans böyük, uğurlu nəticələrlə zəngin idi. İştirak etməyən yeganə ölkə Ermənistan olmuşdur. Bu da təbii olaraq təəssüf hissi doğurur. Çünki xüsusilə indiki şəraitdə – Azərbaycanla Ermənistan arasında normallaşma prosesinin uğurla getdiyi bir zamanda Ermənistan tərəfinin bu beynəlxalq konfransı boykot etməsi başadüşülən deyildi. Bu gün bu məsələ də müzakirə olundu. Azərbaycanın mövqeyi Almaniya tərəfinə çatdırılmışdı.
Azərbaycan 30 il ərzində erməni işğalından əziyyət çəkmişdir. Bizim xalqımız etnik təmizləməyə məruz qalmışdır. Bir milyon azərbaycanlı erməni aqressiyasına görə evsiz-eşiksiz qalmışdır. torpaqlarımızın təxminən 20 faizi işğal altına düşmüşdür. Əfsuslar olsun ki, beynəlxalq təşkilatlar bu məsələ ilə bağlı ciddi addım atmamışlar. Azərbaycan bu münaqişəni və beynəlxalq hüququ özü döyüş meydanında və siyasi müstəvidə həll etmişdir. Məhz bu tarixi Zəfərimiz sülh danışıqlarına yol açmışdır. Hesab edirik ki, bu gün Azərbaycanın və Ermənistanın sülhün əldə edilməsində mövqeləri bir-birinə kifayət qədər yaxınlaşmışdır. Eyni zamanda, bu gün digər beynəlxalq məsələlər də müzakirə edildi. Həmçinin Amerika-Avropa İttifaqı gərginliyi, Rusiya-Qərb gərginliyi məsələlər arasında idi. Bütün bu məsələlər təbii olaraq bütün dünyaya təsir edir. Səmimi fikir mübadiləsi aparmaq mənim üçün çox önəmli idi. Əminik ki, bu səfərin çox müsbət nəticələri olacaqdır. İkitərəfli münasibətlərimizin tarixində bu, Almaniya Prezidentinin Azərbaycana birinci rəsmi səfəridir. Bu da qarşılıqlı münasibətlərin daha uğurlu müstəvidə davam edəcəyini göstərir.
Mənzər Ağabəyova,
Xəzər rayonu, 156 nömrəli tam orta məktəbin tarix müəllimi,
