Türkiyədə səfərdə olan YAP nümayəndə heyəti Qars və İğdırdan olan sakinlərlə görüş keçirib

Qardaş Türkiyə Respublikasında səfərdə olan Yeni Azərbaycan Partiyasının nümayəndə heyəti “Halkalı Zeynebiye Kulliyesi”ndə Qars və İğdırdan olan sakinlərlə görüş keçirib.

Globalnews.az xəbər verir ki, görüşdə Azərbaycan nümayəndə heyətinin rəhbəri, Milli Məclisin Əmək və sosial siyasət komitəsinin sədri Musa Quliyev, Milli Məclisin deputatları Ceyhun Məmmədov, Vüqar İskəndərov, İstanbul 3-cü bölgə millət vəkili Şamil Ayrım və Türkiyə Cəfəri icmasının lideri Səlahəddin Özgündüz çıxış edərək bildiriblər ki, Azərbaycan və Türkiyə tarix boyu həmişə bir-birinin yanında olublar. Zamanın çoxəsrlik sınağından çıxan Azərbaycan və Türkiyə xalqlarının qardaşlığı, dostluğu bütün dünyaya örnəkdir.

Sonda xatirə şəkli çəkdirilib.