Qardaş Türkiyədə səfərdə olan YAP nümayəndə heyətinin Manisada görüşləri davam edir

Qardaş Türkiyədə səfərdə olan Yeni Azərbaycan Partiyasının nümayəndə heyətinin Manisada görüşləri davam edir.

Səfər çərçivəsində Manisa Azərbaycan Mədəniyyət Evinin rəhbəri Seyfəddin Ayakyayla görüş keçirilib.

Globalnews.az xəbər verir ki, görüş zamanı çıxış edən natiqlər Azərbaycan ilə Türkiyə arasında dostluq və qardaşlıq münasibətlərinin bütün sahələrdə uğurla inkişaf etdiyini söyləyiblər. Bu qarşılıqlı əlaqələrin bundan sonra daha da genişlənəcəyinə əminliklərini ifadə ediblər.

Sonda tədbir iştirakçıları Türkiyənin Kanal 45 televiziyasının proqramına qatılıb, sualları cavablandırıblar.