AnalitikaGündəmSiyasət

Yeni Azərbaycan Partiyası və demokratik seçki ənənələri

Azərbaycanda demokratik seçki sisteminin formalaşması və təkmilləşdirilməsi Yeni Azərbaycan Partiyasının fəaliyyətində mühüm yer tutur. Partiya ölkədə keçirilən prezident, parlament və bələdiyyə seçkilərində daim yüksək təşkilatçılıq və siyasi yetkinlik nümayiş etdirmişdir. Seçki proseslərinin şəffaf, ədalətli və qanunvericiliyə uyğun keçirilməsi partiyanın əsas mövqeyidir.

Seçki kampaniyaları dövründə Yeni Azərbaycan Partiyası seçicilərlə birbaşa ünsiyyətə, platformasının təqdimatına və cəmiyyətin aktual məsələlərinin müzakirəsinə üstünlük verir. Proqram əsaslı siyasi rəqabət mədəniyyətinin inkişafı ölkədə siyasi sistemin sağlamlaşmasına xidmət edir. Seçicilərin etimadını qazanmaq partiyanın fəaliyyətinin əsas meyarlarından biridir.

Keçirilən bütün seçkilərdə əldə olunan inamlı qələbələr Yeni Azərbaycan Partiyasının xalq arasında geniş dəstəyə malik olduğunu göstərir. Bu nəticələr cəmiyyətin partiyanın həyata keçirdiyi siyasətə və gələcək perspektivlərə inamının ifadəsidir. Seçki nəticələri həm də partiya qarşısında yeni vəzifələr və yüksək məsuliyyət müəyyən edir.

Otuz dörd illik tarix Yeni Azərbaycan Partiyasının demokratik proseslərin fəal iştirakçısı kimi formalaşdığını təsdiqləyir. Partiya bundan sonra da seçki mədəniyyətinin inkişafına, vətəndaşların siyasi iştirakçılığının artırılmasına və demokratik institutların möhkəmləndirilməsinə töhfə verəcəkdir. Seçicilərin etimadı ən böyük kapitaldır.

Tofiqə Qurbanova,
YAP Nizami rayon təşkilatının “Məmmədəli Şərifli küçəsi, 24/12” ərazi partiya təşkilatının sədr müavini

Oxşar Xəbərlər

Back to top button