Milli-mənəvi dəyərlər xalqın tarixi yaddaşını, mədəniyyətini, dilini, adət-ənənələrini və mənəvi dünyasını özündə birləşdirir. Bu dəyərlərin qorunması milli kimliyin və dövlətçilik düşüncəsinin davamlılığı üçün mühüm əhəmiyyət daşıyır. Azərbaycan Respublikasının Konstitusiyası insan hüquqlarını və mədəni inkişaf imkanlarını təmin edən hüquqi əsaslar yaradır.
Azərbaycan xalqının zəngin mədəni irsi əsrlər boyu formalaşmış və müxtəlif tarixi mərhələlərdə qorunaraq bu günə gəlib çatmışdır. Ana dilimiz, ədəbiyyatımız, musiqimiz, incəsənətimiz və adət-ənənələrimiz milli kimliyimizin əsas göstəriciləridir. Müstəqil dövlətin hüquqi sistemi bu irsin qorunmasına və inkişafına şərait yaratmalıdır.
Ümummilli Lider Heydər Əliyev milli-mənəvi dəyərlərin qorunmasını dövlət siyasətinin mühüm istiqamətlərindən biri hesab edirdi. Onun siyasi fəaliyyəti milli kimliyin möhkəmləndirilməsi, Azərbaycan dilinin inkişafı və mədəni irsin yaşadılması baxımından xüsusi əhəmiyyət daşıyır.
Konstitusiyada mədəni hüquqların və yaradıcılıq azadlığının təmin edilməsi milli-mənəvi irsin inkişafına hüquqi zəmin yaradır. Vətəndaşların mədəni həyatda iştirak etmək, yaradıcılıqla məşğul olmaq və milli irsdən bəhrələnmək imkanları cəmiyyətin mənəvi inkişafını gücləndirir.
Milli-mənəvi dəyərlərin qorunması gələcək nəsillərin tərbiyəsində də mühüm rol oynayır. Dövlətçilik ənənələrinə bağlı, tarixini və mədəniyyətini tanıyan gənclər milli birliyin qorunmasına töhfə verirlər. Konstitusiya isə bu dəyərlərin hüquqi mühitdə yaşadılmasının əsas təminatlarından biridir.
İlkin Nəcəfov,
YAP Nizami rayon təşkilatının fəalı
