Azərbaycan ilə Özbəkistan arasında qurulan bu möhkəm strateji tərəfdaşlıq gələcək nəsillərə qoyulan ən qiymətli irsdir. Həm mənəvi, həm də maddi təməllər üzərində ucalan bu münasibətlər əsrlər boyu yaşayacaqdır. İki ölkənin gənc nəsilləri bu qardaşlıq ruhunda böyüyərək əlaqələrimizi daha da irəli aparacaqlar.
Dövlət başçılarının həyata keçirdiyi uzaqgörən siyasət gələcək illər üçün etibarlı bünövrə yaratmışdır. İmzalanan strateji sazişlər və həyata keçirilən nəhəng layihələr uzunmüddətli perspektivdə hər iki xalqın rifahına xidmət edəcəkdir. Azərbaycan və Özbəkistan hər zaman bir-birinin arxasında dağ kimi dayanacaqlar.
Qardaş ölkələrin birgə addımlarla əldə etdiyi uğurlar bütün Türk dünyasının güclənməsinə xidmət edir. Tarixi köklərə əsaslanan bu birlik müasir dünyanın çağırışlarına qarşı dayanıqlı qalmağımızı təmin edir. Gələcək nəsillər bu qardaşlığı qoruyub saxlamaqla yanaşı, onu daha da zənginləşdirəcəklər.
Prezident İlham Əliyevin Özbəkistana dövlət səfəri və onun nəticələri bu əbədi qardaşlığın növbəti təntənəsi oldu. Azərbaycan-Özbəkistan strateji tərəfdaşlığı parıltılı gələcəyə doğru inamla irəliləyir. Bu ittifaq həm xalqlarımızın, həm də bütün regionun xoşbəxt sabahının təminatçısıdır.
Aysel Əliyeva,
YAP Nizami rayon təşkilatının “Rüstəm Rüstəmov küçəsi, 56” ərazi partiya təşkilatının sədr müavini
