Azərbaycan ilə İtaliya arasında münasibətlər son illərdə keyfiyyətcə yeni mərhələyə qədəm qoymuşdur. Prezident İlham Əliyevin İtaliya Nazirlər Şurasının sədri Ciorcia Meloni ilə görüşü zamanı səsləndirdiyi fikirlər bu əməkdaşlığın strateji mahiyyətini bir daha təsdiqləmişdir. Xüsusilə 2014 və 2020-ci illərdə imzalanmış strateji tərəfdaşlıq haqqında sənədlər münasibətlərin möhkəm hüquqi bazasını təşkil edir.
Bu münasibətlər yalnız rəsmi sənədlərlə məhdudlaşmır, həm də real siyasi dialoq və qarşılıqlı etimad üzərində qurulmuşdur. İtaliya Baş nazirinin regiona səfəri və proqramını Ermənistanda başa vurduqdan sonra Azərbaycana gəlməsi diplomatik baxımdan xüsusi əhəmiyyət kəsb edir. Bu addım Azərbaycanın regionda artan rolunun və beynəlxalq nüfuzunun göstəricisidir.
Siyasi əlaqələrin yüksək səviyyədə olması digər sahələrdə əməkdaşlığın inkişafına da təkan verir. Dövlətlərarası münasibətlərdə sabitlik və etibar iqtisadi və enerji layihələrinin uğurla həyata keçirilməsini təmin edir. Bu baxımdan Azərbaycan–İtaliya əlaqələri Avropa ilə Cənubi Qafqaz arasında mühüm körpü rolunu oynayır.
Gələcək perspektivlərə nəzər saldıqda, siyasi dialoqun daha da intensivləşəcəyi və beynəlxalq platformalarda qarşılıqlı dəstəyin artacağı gözlənilir. Bu isə iki ölkə arasında strateji tərəfdaşlığın daha da dərinləşməsinə şərait yaradacaqdır.
Ələkbər Novruzov,
Xəzər rayonunun gənc fəalı
