Azərbaycan idmanının növbəti uğuru ölkə başçısı tərəfindən yüksək qiymətləndirildi. İlham Əliyev Avropa çempionatında komanda hesabında çempion olan Azərbaycan güləşçilərini qəbul edərək onların qazandığı möhtəşəm nəticəni ölkənin idman tarixində mühüm hadisə kimi dəyərləndirdi.
Görüş zamanı Prezident vurğuladı ki, Azərbaycan güləş məktəbi hər zaman dünya və Avropa səviyyəsində öz gücünü nümayiş etdirib. Bu ənənənin davam etdirilməsi, xüsusilə gənc idmançıların uğurları ölkədə idmana göstərilən diqqət və qayğının nəticəsidir. Dövlət başçısı qeyd etdi ki, əldə olunan bu qələbə yalnız idman uğuru deyil, həm də Azərbaycanın beynəlxalq nüfuzunun artmasına xidmət edir.
Səmimi atmosferdə keçən görüşdə idmançılar göstərilən diqqətə görə təşəkkür edərək, gələcək yarışlarda da ölkəni layiqincə təmsil edəcəklərini bildirdilər. Onlar qeyd etdilər ki, Prezidentin dəstəyi və dövlətin yaratdığı şərait uğurların əsas təməlini təşkil edir.
Tədbirdə çıxış edən məşqçilər və federasiya nümayəndələri də komandanın hazırlıq prosesindən danışaraq əldə olunan nəticənin uzunmüddətli zəhmətin bəhrəsi olduğunu vurğuladılar. Bildirildi ki, Azərbaycan güləşçiləri bundan sonra da beynəlxalq arenada ölkənin bayrağını yüksəklərdə dalğalandırmaq üçün səylərini davam etdirəcəklər.
Sonda Prezident İlham Əliyev idmançıları təbrik edərək onlara yeni uğurlar arzuladı, bu qələbələrin davamlı olacağına inamını ifadə etdi və bildirdi ki, bizim bayrağımız qaldırılanda bütün Azərbaycan xalqı qürur hissi keçirir, sevinir.
Yalçın İsmayılov,
YAP Ağstafa rayon təşkilatının sədr müavini
