İlham Əliyevin Bakıda keçirilən Cənub Qaz Dəhlizi Məşvərət Şurası nazirlərin 12-ci iclası və Yaşıl Enerji Məşvərət Şurası nazirlərin 4-cü iclası çərçivəsində etdiyi çıxış Azərbaycanın qlobal enerji siyasətində artan rolunu bir daha nümayiş etdirdi. Bu mühüm toplantı müxtəlif ölkələrdən nazirləri, beynəlxalq təşkilatların rəhbərlərini və enerji sektorunun aparıcı nümayəndələrini bir araya gətirərək enerji təhlükəsizliyi, regional əməkdaşlıq və yaşıl enerji sahəsində perspektivləri müzakirə etmək üçün vacib platforma rolunu oynadı. Prezident İlham Əliyev çıxışında vurğuladı ki, son illər ərzində Azərbaycan enerji sahəsində etibarlı tərəfdaş kimi beynəlxalq aləmdə böyük nüfuz qazanıb. Onun sözlərinə görə, Azərbaycanın həyata keçirdiyi strateji layihələr təkcə ölkənin iqtisadi inkişafına deyil, eyni zamanda Avropanın enerji təhlükəsizliyinə də mühüm töhfə verir. Bu baxımdan Cənub Qaz Dəhlizi layihəsi xüsusi əhəmiyyət daşıyır.
Dövlət başçısı qeyd etdi ki, Cənub Qaz Dəhlizi bu gün Avropanın enerji xəritəsini dəyişdirən ən mühüm enerji layihələrindən biridir. Bu layihə vasitəsilə Azərbaycan qazı artıq bir sıra Avropa ölkələrinə çatdırılır və bu proses hər il genişlənir. Prezident vurğuladı ki, Azərbaycan bu layihənin təşəbbüskarı və əsas icraçısı kimi bütün tərəfdaşlarla sıx əməkdaşlıq şəraitində çalışaraq onun uğurla həyata keçirilməsini təmin edib.
Çıxış zamanı Prezident İlham Əliyev bildirdi ki, enerji sahəsində əməkdaşlıq yalnız iqtisadi maraqlarla məhdudlaşmır. Bu əməkdaşlıq həm də ölkələr arasında etimadın möhkəmlənməsinə və siyasi sabitliyə xidmət edir. Onun sözlərinə görə, enerji təhlükəsizliyi bu gün qlobal təhlükəsizliyin ayrılmaz tərkib hissəsinə çevrilib və Azərbaycan bu sahədə məsuliyyətli tərəfdaş kimi fəaliyyətini davam etdirir. Prezident İlham Əliyev çıxışında Azərbaycanın Avropa ölkələri ilə enerji əməkdaşlığının ildən-ilə genişləndiyini xüsusi qeyd etdi. Bildirildi ki, hazırda Azərbaycan qazı artıq bir çox Avropa ölkəsinin enerji balansında mühüm yer tutur və gələcəkdə bu coğrafiyanın daha da genişlənməsi planlaşdırılır. Bu istiqamətdə yeni infrastruktur layihələri və investisiyalar həyata keçirilir. Dövlət başçısı çıxışında eyni zamanda yaşıl enerji məsələsinə geniş toxundu.
O qeyd etdi ki, Azərbaycan təkcə ənənəvi enerji resursları ilə deyil, həm də bərpa olunan enerji potensialı ilə regionun aparıcı ölkələrindən biridir. Xüsusilə günəş və külək enerjisi sahəsində böyük imkanlar mövcuddur və bu potensialın reallaşdırılması istiqamətində mühüm layihələr həyata keçirilir. Prezident İlham Əliyev bildirdi ki, Azərbaycanın Qarabağ və Şərqi Zəngəzur iqtisadi rayonları artıq “yaşıl enerji zonası” elan olunub. Bu ərazilərdə müasir və ekoloji cəhətdən təmiz enerji layihələrinin həyata keçirilməsi planlaşdırılır. Bu isə ölkənin enerji strategiyasında yeni mərhələnin başlanğıcı kimi qiymətləndirilir.
Çıxışda qeyd olundu ki, Azərbaycan beynəlxalq enerji şirkətləri ilə əməkdaşlığı genişləndirərək bərpa olunan enerji sahəsində böyük layihələr reallaşdırır. Bu layihələr həm ölkənin enerji balansında yaşıl enerjinin payını artıracaq, həm də regionda enerji ixracı imkanlarını genişləndirəcək. Prezident İlham Əliyev vurğuladı ki, yaşıl enerji layihələri Azərbaycanın uzunmüddətli inkişaf strategiyasının mühüm tərkib hissəsidir. Bu istiqamətdə həyata keçirilən layihələr təkcə enerji istehsalını deyil, həm də ekoloji tarazlığın qorunmasını və dayanıqlı inkişafı təmin edir. Çıxış zamanı Prezident İlham Əliyev Azərbaycanın enerji siyasətinin əsas prinsiplərindən də danışdı. Onun sözlərinə görə, bu siyasət qarşılıqlı etimad, uzunmüddətli tərəfdaşlıq və beynəlxalq əməkdaşlıq üzərində qurulub. Azərbaycan hər zaman öz tərəfdaşları qarşısında götürdüyü öhdəliklərə sadiq qalıb və bundan sonra da belə olacaq.
Prezident İlham Əliyev qeyd etdi ki, qlobal enerji bazarında baş verən dəyişikliklər fonunda etibarlı enerji təchizatçılarına ehtiyac daha da artır. Bu baxımdan Azərbaycan Avropanın enerji təhlükəsizliyində mühüm rol oynamağa davam edir. Çıxışın sonunda dövlət başçısı Cənub Qaz Dəhlizi və Yaşıl Enerji Məşvərət Şurası çərçivəsində keçirilən görüşlərin beynəlxalq əməkdaşlığın daha da möhkəmlənməsinə xidmət etdiyini vurğuladı. O bildirdi ki, bu platforma tərəfdaş ölkələr arasında dialoqu gücləndirir və yeni layihələrin həyata keçirilməsi üçün mühüm imkanlar yaradır. Prezident İlham Əliyevin Bakıdakı çıxışı Azərbaycanın enerji sahəsində qlobal səviyyədə artan rolunu və ölkənin həm ənənəvi, həm də yaşıl enerji sahəsində strateji baxışını bir daha ortaya qoydu. Azərbaycanın həyata keçirdiyi enerji layihələri təkcə iqtisadi inkişafın təmin edilməsinə deyil, eyni zamanda regional sabitlik və beynəlxalq əməkdaşlığın möhkəmlənməsinə də mühüm töhfə verir.
Məmmədova Nərmin,
Yeni Azərbaycan Partiyası,məsləhətçi
