2025-ci ilin idman yekunlarına həsr olunan mərasimdə Azərbaycan Respublikasının Prezidenti İlham Əliyevin çıxışı ölkədə idmanın inkişafına verilən yüksək dəyərin və əldə olunan uğurların ümumiləşdirilmiş təqdimatı kimi yadda qaldı. Dövlət başçısı çıxışında ötən il ərzində Azərbaycan idmançılarının beynəlxalq arenalarda qazandıqları nailiyyətləri xüsusi vurğulayaraq, bu uğurların dövlətin məqsədyönlü siyasətinin nəticəsi olduğunu qeyd etdi.Prezident İlham Əliyev bildirdi ki, idman sahəsi Azərbaycanda prioritet istiqamətlərdən biridir və bu sahənin inkişafı daim dövlətin diqqət mərkəzindədir. Onun sözlərinə görə, 2025-ci ildə Azərbaycan idmançıları Olimpiya növləri də daxil olmaqla bir çox beynəlxalq yarışlarda yüksək nəticələr göstərmiş, ölkəmizin bayrağını nüfuzlu turnirlərdə ucaltmışlar. Dövlət başçısı bu nailiyyətlərin arxasında idmançıların əzmkarlığı, məşqçilərin peşəkarlığı və yaradılan güclü maddi-texniki bazanın dayandığını vurğuladı.
Çıxış zamanı Prezident İlham Əliyev idman infrastrukturunun inkişafına da toxundu. Qeyd edildi ki, son illər regionlarda inşa olunan Olimpiya İdman Kompleksləri, idman zalları və stadionlar gənclərin idmana marağını daha da artırmışdır. Bu obyektlər təkcə peşəkar idmançıların deyil, eyni zamanda kütləvi idmanın inkişafına da xidmət edir. Prezident bildirdi ki, sağlam cəmiyyətin formalaşması üçün kütləvi idman xüsusi əhəmiyyət daşıyır və bu istiqamətdə görülən işlər davam etdiriləcək.Dövlət başçısı çıxışında gənclərə xüsusi diqqət ayırdı.
O vurğuladı ki, Azərbaycan gəncliyi idmanda böyük potensiala malikdir və bu potensialın reallaşması üçün dövlət tərəfindən bütün lazımi şərait yaradılır. Prezident İlham Əliyev gənc idmançıların beynəlxalq arenalarda qazandıqları qələbələrin ölkənin gələcəyi üçün böyük ümidlər yaratdığını qeyd edərək, onların hər birini təbrik etdi və yeni uğurlar arzuladı.Prezident İlham Əliyev idmanın ölkənin beynəlxalq imicinin formalaşmasında mühüm rol oynadığını da diqqətə çatdırdı. Onun sözlərinə görə, Azərbaycan idman sahəsində qazandığı uğurlarla dünyada tanınır, beynəlxalq idman təşkilatları tərəfindən etibarlı tərəfdaş kimi qəbul olunur. Ölkəmizdə keçirilən mötəbər idman yarışları, turnirlər və çempionatlar Azərbaycanın təşkilatçılıq qabiliyyətini bir daha nümayiş etdirir. Çıxışın sonunda Prezident İlham Əliyev idmançılara, məşqçilərə, federasiya rəhbərlərinə və bu sahədə çalışan bütün mütəxəssislərə təşəkkürünü bildirdi. O qeyd etdi ki, əldə olunan nəticələr ümumi əməyin bəhrəsidir və dövlət bundan sonra da idmanın inkişafına hərtərəfli dəstək göstərəcək. Prezidentin fikrincə, Azərbaycan idmanı qarşıdakı illərdə də yeni zirvələr fəth edəcək və ölkəmizin şərəfini beynəlxalq arenalarda layiqincə qoruyacaq. 2025-ci ilin idman yekunlarına həsr olunan mərasimdə Prezident İlham Əliyevin çıxışı Azərbaycan idmanının uğurlu yol xəritəsini bir daha ortaya qoydu və gələcək qələbələr üçün möhkəm stimul yaratdı.
Murad Zeynalov,
Yeni Azərbaycan Partiyası,məsləhətçi
