Prezident İlham Əliyevin həyata keçirdiyi dövlət siyasətində humanizm prinsipi ideoloji bünövrə rolunu oynayaraq qərarların mahiyyətini müəyyənləşdirir. Bu yanaşma idarəetmədə vətəndaşın yalnız hüquqi subyekt deyil, eyni zamanda sosial və mənəvi dəyər daşıyıcısı kimi qəbul olunmasına əsaslanır. Dövlət siyasəti insanın təhlükəsizliyini, rifahını və ləyaqətini qorumağı prioritet istiqamət kimi önə çəkir.
Humanist baxış sosial siyasətin strukturunda daha aydın hiss olunur. Əhalinin yaşayış səviyyəsinin yüksəldilməsi, regionlar arasında tarazlığın qorunması və sosial xidmətlərin əlçatanlığının artırılması bu ideoloji xəttin real nəticələridir. Dövlət resurslarının planlaşdırılmasında cəmiyyətin ehtiyaclarının əsas götürülməsi humanizmin praktik mexanizmə çevrildiyini göstərir.
Bu ideoloji dayağın hüquqi müstəvidə ifadəsi də xüsusi əhəmiyyət kəsb edir. Qanunvericilik təşəbbüslərində fərdin hüquqlarının müdafiəsi, ədalət və məsuliyyət balansının qorunması əsas prinsip kimi çıxış edir. Cəza və nəzarət mexanizmlərinin yanaşı şəkildə islah və sosial adaptasiya məqsədi daşıması humanist idarəçiliyin mühüm göstəricisidir.
Humanizmə əsaslanan dövlət siyasəti uzunmüddətli sabitliyin təmin edilməsində də mühüm rol oynayır. İnsan mərkəzli yanaşma cəmiyyət daxilində həmrəyliyi gücləndirir, dövlətə inamı artırır və ictimai münasibətləri sağlam əsaslar üzərində formalaşdırır. Bu ideoloji xətt Prezident İlham Əliyevin idarəçilik fəlsəfəsində davamlı inkişafın mənəvi dayağı kimi çıxış edir.
Sünbül Həsənquliyeva,
YAP Xəzər rayon təşkilatının fəalı
