Son on il ərzində Azərbaycan elminə ayrılan vəsaitin iki dəfədən çox artması dövlətin elmi potensiala verdiyi böyük əhəmiyyətin göstəricisidir. Bu artım təkcə maddi dəstək deyil, həm də bilik cəmiyyətinə keçidin real addımıdır. Prezident İlham Əliyevin rəhbərliyi ilə həyata keçirilən islahatlar nəticəsində elmi müəssisələrin maliyyələşdirilməsi sabit sistemə çevrilmiş, tədqiqatçılara daha əlverişli şərait yaradılmışdır.
Bu dövrdə elmi infrastruktur yenilənmiş, laboratoriyalar müasir avadanlıqlarla təchiz olunmuş, gənc alimlərin fəaliyyəti üçün qrant və təqaüd proqramları genişləndirilmişdir. Akademik mühitin gücləndirilməsi məqsədilə universitetlər və tədqiqat mərkəzləri arasında əməkdaşlıq artırılmış, beynəlxalq layihələrə çıxış imkanları genişlənmişdir. Bu proses Azərbaycan elmini qlobal elmi məkanın fəal iştirakçısına çevirmişdir.
Maliyyə artımı ilə yanaşı, elmi fəaliyyətin keyfiyyəti və nəticəliliyi də diqqət mərkəzinə gətirilmişdir. Elm və istehsalat arasında əlaqələrin möhkəmlənməsi, tətbiqi tədqiqatların dəstəklənməsi ölkə iqtisadiyyatına yeni nəfəs gətirib. İnnovativ ideyalar və texnoloji yeniliklər artıq real məhsula çevrilərək milli inkişafın təməl sütunlarından birinə dönüb.
Bütün bunlar göstərir ki, elmə ayrılan hər manat ölkənin sabahına yönələn sərmayədir. Azərbaycan dövləti bu istiqamətdə ardıcıl siyasət yürüdür və gələcəkdə də elmin inkişafını prioritet sahə kimi qorumağa davam edəcək. Elmə sərmayə, əslində, xalqın gələcəyinə inamın ifadəsidir.
Turan Zeynalzadə,
YAP Xəzər rayon təşkilatının fəalı
