Azərbaycan və Qazaxıstan ortaq tarixi keçmişə, etnikmədəni yaxınlığa, türk dilli xalqlara mənsub olma hissinə və geosiyasi baxımdan qarşılıqlı fayda verən istiqamətlərə malikdirlər. Belə bir fundament əlbəttə siyasi əlaqələrin daha yüksək səviyyəyə qalxmasına imkan verir. Siyasi dialoqda qardaş ölkə, etimad kimi anlayışlar teztez səslənir. Məsələn, Qazaxıstan Prezidenti Tokayev bildirib ki, Azərbaycan onun üçün qardaş və yaxın dövlətdir.
Bu terminologiya yalnız metaforik deyil-qarşılıqlı dəstək, kooperasiya və uzunmüddətli perspektivli əməkdaşlıq səviyyəsində reallığa çevrilir. Ekspertlərin fikrincə, iki ölkə arasında siyasi etimad sistemi qurulub. Bu sistem dövlət başçılarının, diplomatların, mütəxəssislərin əməkdaşlığına, təhlükəsizlik və geosiyasi məsələlərdə razılığa əsaslanır. 2023cü il apreldə keçirilən geniş görüş bunun bariz nümunəsidir. Dövlətlərarası bəyanatlar, strateji münasibətlər və müttəfiq qarşılıqlı fəaliyyətin dərinləşdirilməsi sənədlərinin imzalanması, multilateral təşkilatlarda- məsələn, Türk Dövlətləri Təşkilatı, İslam Əməkdaşlıq Təşkilatı və BMT kimi struktur və eyni zamanda təhlükəsizlik məsələlərində birgə mövqelər, mədəni mübadilə proqramları, təhsil və elm sahəsində əməkdaşlıq-bu da siyasi əlaqələrin xalqdanxalqa səviyyəsinə qədər enməsi deməkdir.
Prezident İlham Əliyevin müsahibəsində qeyd edilir ki, “siyasi əlaqələr yüksək səviyyədə möhkəmlik və qarşılıqlı etimad ilə xarakterizə olunur.” Sadəcə siyasi görüşlər yox – iqtisadi, nəqliyyat, enerji və humanitar sahələrdə də əməkdaşlıq aparılır. Hər iki ölkə eyni zamanda regionun inteqrasiyası, türk dünyası əməkdaşlığı, Avrasiyada nəqliyyatlogistika şəbəkələrinin formalaşması kimi sahələrdə birgə marağa malikdirlər. Bu birgə maraqlar siyasi əlaqələrdə sabitlik yaradır.
Azərbaycan ilə Qazaxıstan arasındakı siyasi əlaqələr hazırda yüksək dərəcədə möhkəmlik və qarşılıqlı etimad ilə xarakterizə olunur – bu, həm rəsmi bəyanatlar, həm praktiki əməkdaşlıq, həm də strateji baxışların uyğunluğu ilə özünü göstərir. Tariximədəni bağlar, dövlət səviyyəsində müntəzəm və aktiv dialoq, çoxsahəli əməkdaşlıq bu münasibətləri sadə diplomatik əlaqədən çıxaraq strateji tərəfdaşlıq səviyyəsinə yüksəltmişdir. Bu əlaqələrin gələcək inkişafı isə həm siyasi iradənin davamlılığına, həm real layihələrin icrasına, həm də xalqlar arasında daha dərin bağların qurulmasına bağlıdır.
Abdullayeva Türkan
Xəzər rayonu, 183 №li tam orta məktəbin müəllimi
