1993-cü ilin payızı Azərbaycan tarixində dönüş nöqtəsi oldu. Ölkə dərin böhran içində idi, dövlətin varlığı təhlükə altına düşmüşdü. Belə bir vaxtda xalqın çağırışı ilə Heydər Əliyev hakimiyyətə qayıtdı.
3 oktyabr 1993-cü ildə onun Prezident seçilməsi Azərbaycan dövlətçiliyinin xilası idi. Heydər Əliyev qısa müddətdə sabitlik yaratdı, milli birliyi bərpa etdi, ordunu möhkəmləndirdi.
Onun uzaqgörən siyasəti “Əsrin müqaviləsi” ilə ölkəni iqtisadi dirçəliş yoluna çıxardı. 3 oktyabr – Azərbaycanın siyasi yaddaşında müstəqilliyin qorunması və gələcəyə inamın simvolu kimi qalacaq.
Heydər Əliyevin rəhbərliyi ilə formalaşan dövlətçilik ideologiyası Azərbaycanı parçalanmadan, xaosdan və qeyri-sabitlikdən xilas etdi. Bu siyasət milli maraqlara əsaslanan, müstəqilliyi qoruyan və gələcəyə yönəlmiş strateji xətt idi.
3 oktyabr 1993-cü il – Azərbaycan xalqının öz dövlətinə, müstəqilliyinə və gələcəyinə sadiqliyinin rəmzi kimi tarixdə əbədi qalacaq.
Həsənova Səbinə,
YAP-ın fəalı
