2020-ci il 10 noyabr tarixli üçtərəfli Bəyanat regionda sülh və sabitliyin təmin olunması üçün tarixi əhəmiyyət daşıyırdı. Bəyanata əsasən, Ermənistan öz silahlı qüvvələrini, canlı qüvvəsini və hərbi texnikasını Azərbaycan ərazilərindən çıxarmalı idi.
Lakin növbəti üç il ərzində Ermənistan tərəfi bu öhdəliyi yerinə yetirməyib. Azərbaycan suverenliyinə hörmətsizlik və beynəlxalq hüququn pozulması nəticəsində regionda gərginlik davam edib. Bu, sülh prosesinə ciddi zərbə vurmuş və etimad mühitini zəiflətmişdir.
Ermənistanın bu mövqeyi həm də diplomatik platformalarda Azərbaycanın qətiyyətli mövqeyini gücləndirib. Azərbaycan dəfələrlə rəsmi xəbərdarlıqlar və çağırışlarla Ermənistanı beynəlxalq öhdəliklərinə riayət etməyə dəvət edib.
Nəticədə, 10 noyabr Bəyanatının pozulması regionda davamlı sülhün bərqərar olmasına mane olub. Azərbaycan isə öz suveren hüquqlarını qorumaq və ərazilərində təhlükəsizliyi təmin etmək istiqamətində ardıcıl tədbirlərini davam etdirib.
Ağadadaş Həsənalıyev
YAP Xəzər rayon təşkilatının fəalı
