İranla İsrail arasında baş vermiş qarşıdurma ilə əlaqədar Azərbaycanın prinsipial və qəti mövqeyi İranda yüksək qiymətləndirilib.
Globalnews.az“Qafqazinfo”-ya istinadən xəbər verir ki, bunu İranın ölkəmizə yeni təyin olunmuş səfiri Müctəba Dəmirçilu Prezident İlham Əliyevlə görüşündə bildirib.
Buna görə Prezident İlham Əliyevə təşəkkürünü çatdıran diplomat qeyd edib ki, İranın ali rəhbərləri də Azərbaycanla münasibətlərin inkişafına xüsusi diqqət göstərir.
Səfirin sözlərinə görə, İran tərəfi də tam əmindir ki, Azərbaycan ərazisindən İrana qarşı heç vaxt istifadə oluna bilməz, Azərbaycan dövləti buna heç zaman imkan verməz.
Diplomat, həmçinin xarici və İran vətəndaşlarının ölkəmizə keçidi üçün yaradılmış şəraitə görə minnətdarlığını bildirib.
