Sivilizasiyanın inkişaf ardıcılığının təmin edilməsi, keçmiş təcrübələrin yeni nəslə ötürülməsi, bunun əsasında yeniliklərin baş verməsini təmin edən dəyər özünü dil kimi təcəssüm etdirir. Dil millətin milli kimliyini qoruyub saxlayan ən güclü mexanizmdir. Cəmiyyət dəyərlərin formalaşması, onların tətbiq edildiyi an inkişafa qədəm qoyur. Bu istiqamətdə ünsiyyətin təməl prinsipi dil varlığı ortaya çıxır. Hər bir xalqın ana dili onun milli, mənəvi sərvətidir. Varlığın təsdiqi ana dilinin vacibliyini xüsusi ilə önə çıxardır. Tarixi zaman ardıcıllığında keşməkeşli yol keçən xalqımız öz dilini bütün gözəllikləri ilə qoruyub saxlaya bilmişdi. Dilimiz öz zənginliyi, əsrarəngizliyi ilə dünya dilləri arasında seçilir. Ana dilimiz vasitəsi ilə dünya ədəbiyyatına bəxş etdiyimiz töhfələr misilsizdir. Ana dilinimizin bugünkü inkişaf səviyyəsinə çatması qədim dövlətçilik tariximizlə sıx bağlıdır. Yaşadığı torpaqlara hökm edə bilən xalqlar öz dilini qorumaq imkanını da əldə edər. Tarix səhnəsində zaman-zaman dilimizdən, köklərimizdən qoparılmağa çalışılsaq da, dilimizə bütün varlığımızla sahib çıxmağı, qorumağı da bacarmışıq.
Müstəqillyimiz bərpəsından sonrakı dövrdə dilimizin inkişaf edib özünü yeniləməsi üçün əlverişli mühit yarandı. Ulu Öndər Heydər Əliyevin ana dilinə göstərdiyi xüsusi diqqət nitqlərində öz əksini tapmışdır. Ana dilinin bənzərsiz ifadə vasitələrindən, rəngarəngliyindən, xalq deyimlərindən lazımı yerində istifadə edərək dilimizin gözəlliyini hər kəsə nümayiş etdirirdi. Ana dilinin xüsusi əhəmiyyət daşıdığını öz çıxışlarında dəfələrlə bildirmişdi. “Millətin milliliyini saxlayan onun ana dilidir. Şübhəsiz ki, musiqi də, ədəbiyyat da, ayrı-ayrı tarixi abidələr də millətin milliliyini təsdiq edir. Amma millətin milliliyini ən birinci təsdiq edən onun dilidir. Əgər Azərbaycan dili olmasa, Azərbaycan dilində mahnılar olmaz, musiqi olmaz. Bunların hamısı bir-birinə bağlıdır.
Azərbaycan dilinin dövlət dili kimi yaşaması, möhkəmlənməsi, inkişaf etməsi də bizim ən böyük nailiyyətlərimizdən biridir. Bu, təkcə dil məsələsi deyil, bu həm də azərbaycançılıq məsələsidir” fikirləri ilə dilimizin varlığının daşıdığı əhəmiyyəti ifadə etmişdir. Bugündə dilimiz inkişafın nəzər nöqtəsidir. Azərbaycan Respublikasının Prezidenti Cənab İlham Əliyev də Ulu Öndər siyasətini layiqincə davam etdirərək dilimizə xüsusi qayğı göstərir. Çıxışlarının birində dilimizin sahib olduğu incəlikərə xüsusi diqqət çəkən Ilham Əliyev belə demişdir. “Ana dilimiz öz imknalarının zənginliyi, səs quruluşunun səlisliyi və qrammatik quruşulunun sabitliyi ilə səciyyələnir. Müasir Azərbaycan ədəbi dili siyasi-ictimai, elmi-mədəni sahələrdə geniş işlənmə dairəsinə malik yüksək yazı mədəniyyəti olan və daim söz ehtiyatını zənginləşdirən dildir”.
Tünzalə Qafarova,
Xəzər rayonu, 241 nömrəli tam orta məktəbin tarix müəllimi
