Azərbaycan dövləti və xalqı üçün bu qələbə böyük əhəmiyyət kəsb edir

2020-ci ilin 8 noyabrında Şuşa şəhərinin erməni işğalından azad edilməsi Azərbaycan tarixinə əbədi həkk olundu. Bu tarixi qələbə yalnız Azərbaycan xalqı üçün deyil, bütün türkdilli xalqlar üçün böyük önəm daşıyır. Şuşanın azad edilməsi ilə Qarabağdakı onilliklərlə davam edən işğal sona çatdı və bölgənin mədəni-siyasi önəmi yenidən gündəmə gəldi.

1752-ci ildə Pənahəli xan tərəfindən Qarabağ xanlığının paytaxtı kimi salınıb. Şəhər, təbiəti və zəngin tarixi ilə daim xüsusi diqqət mərkəzində olub. Azərbaycanın musiqi beşiyi sayılan Şuşa, böyük sənətkarlar, şairlər, yazıçılar yetişdirib. Qarabağın mədəniyyət paytaxtı olan Şuşa, Üzeyir Hacıbəyov, Bülbül, Natəvan kimi dahi şəxsiyyətlərin vətənidir.

2020-ci ildə Şuşa azad edildikdən sonra Prezident İlham Əliyevin rəhbərliyi altında geniş miqyaslı bərpa və yenidənqurma işlərinə başlanıldı. Şuşada mədəniyyət obyektlərinin, tarixi abidələrin bərpası ilə yanaşı, şəhərin infrastrukturu da yenidən qurulur. Məscidlər, muzeylər, məktəblər və digər mədəniyyət ocaqları əvvəlki gözəlliyinə qovuşur.

Azərbaycan dövləti və xalqı üçün bu qələbə böyük əhəmiyyət kəsb edir. Bu gün Şuşa, yenidən dirçələn Qarabağın simvolu kimi Azərbaycanın mədəniyyət və turizm paytaxtına çevrilməkdədir.

8 Noyabr – Zəfər Günü kimi qeyd olunmaqla yanaşı, həm də Şuşanın yenidən Azərbaycan torpaqlarına qovuşması, Qarabağın bərpası və gələcək nəsillər üçün tarixi əhəmiyyətini təcəssüm etdirir. Bu gün Azərbaycanın bütün bölgələrində tədbirlər keçirilir, vətəndaşlar Şuşanın azad edilməsi uğrunda canlarını fəda edən şəhidlərimizi yad edir və qələbəni fəxrlə qeyd edirlər. Prezident İlham Əliyevin rəhbərliyi altında aparılan genişmiqyaslı bərpa işləri nəticəsində Şuşa, artıq beynəlxalq tədbirlərin keçirildiyi mərkəzə çevrilir. Şuşada keçirilən “Xarıbülbül” musiqi festivalı, Vaqif Poeziya Günləri kimi tədbirlər şəhərin yenidən qədim mədəniyyət ocağı kimi dirçəldilməsinə sübutdur. Şuşanın tarixi abidələrinin bərpası və yeni infrastrukturun qurulması ilə şəhər həm yerli, həm də xarici turistlər üçün cəlbedici bir mərkəzə çevrilməkdədir.

Şuşanın işğaldan azad edilməsindən sonra Azərbaycan dövlətinin rəhbərliyi, o cümlədən Prezident İlham Əliyev və Birinci vitse-prezident Mehriban Əliyeva dəfələrlə Şuşaya rəsmi səfərlər edib. Bu səfərlər şəhərin bərpa prosesinə nəzarət, gələcək planların həyata keçirilməsi və mədəniyyət abidələrinin yenidənqurulması üçün xüsusi əhəmiyyət daşıyır.

İlk dəfə 2021-ci ilin yanvarında Şuşaya səfər edən Prezident İlham Əliyev və Birinci vitse-prezident Mehriban Əliyeva, şəhərin azad edilməsindən sonra burada görüləcək işləri yerindəcə qiymətləndirdilər. Bu səfərdə Prezident Əliyev, Şuşanın bərpası üçün genişmiqyaslı planları açıqladı. Eyni zamanda, şəhərdə yeni obyektlərin və tarixi abidələrin bərpa ediləcəyini, Şuşanın yenidən Azərbaycanın mədəniyyət paytaxtı kimi formalaşacağını bildirdi. Sonrakı səfərlərdə İlham Əliyev və Mehriban Əliyeva Qazançı kilsəsində, Yuxarı Gövhərağa məscidində, Natəvan bulağında və digər abidələrdə həyata keçirilən bərpa işləri ilə tanış oldular. Hər səfər zamanı şəhərdə böyük infrastruktur layihələri açılır, təməlqoyma mərasimləri keçirilir və bu layihələrə yüksək səviyyədə diqqət göstərildiyi nümayiş etdirilirdi.

Şuşaya həmçinin xarici dövlət və hökumət nümayəndələrinin, beynəlxalq təşkilatların rəsmi şəxslərinin səfərləri də təşkil olunub. Bu səfərlər Qarabağda aparılan bərpa işlərinə beynəlxalq dəstək qazandırmaqla yanaşı, Şuşanın və bütövlükdə Qarabağın bərpa prosesinin bütün dünyaya çatdırılması baxımından da mühüm rol oynayır.

Xarici rəsmilərin səfərləri zamanı Şuşanın azad edilməsi və şəhərin bərpa prosesi yüksək qiymətləndirilmiş, Azərbaycanın tarixi və mədəni mirasının qorunmasının əhəmiyyəti vurğulanmışdır.Bu səfərlər Şuşanın inkişafı və yenidən Azərbaycan xalqına qovuşması prosesində mühüm rol oynayır və şəhərin gələcək potensialına inamı gücləndirir.

8 Noyabr – Şuşa Şəhəri Günü Azərbaycan xalqı üçün milli birlik və əzmin, eləcə də mədəniyyətimizin dirçəlişinin simvoludur.

Mehriban Hacıyeva,
Bakıxanov qəsəbəsi, 96 nömrəli tam orta məktəbin direktoru