AZ RU Giriş
  • VALYUTA

  • 2019.03.20

Əli Əhmədov: Dünyada qaçqın problemi, münaqişələr aradan qalxmalıdır ki, Dayanıqlı İnkişaf Məqsədlərinə nail ola bilək


Baxış sayı: 168
16:28 25/10/18 | Siyasət Siyasət0


Azərbaycanın bugünkü möhtəşəm inkişafına cəmi 13-15 il ərzində nail olunub.

Globalnews.az-ın məlumatına görə, bunu Azərbaycan Baş nazirinin müavini, Dayanıqlı İnkişaf üzrə Milli Əlaqələndirmə Şurasının sədri Əli Əhmədov VI Bakı Beynəlxalq Humanitar Forumu çərçivəsində keçirilən Dayanıqlı İnkişafa dair Bakı Forumunda deyib.

Ə.Əhmədov bildirib ki, Azərbaycan bu illər ərzində ölkədə yoxsulluğu 50 faizdən təxminən 5 faizə qədər endirə bilib, ökədə 2 milyon iş yeri açılıb: "Azərbaycanda dəyişənlər təkcə statistikada əks olunmur, Azərbaycanın bütün siması dəyişib. Bakı müasir şəhərə çevrilib, Azərbaycanın bütün regionları təxminən bu simaya malikdir".

Baş nazirin müavini qeyd edib ki, Azərbaycanda 13-15 il ərzində əldə olunan nailiyyətlər BMT-nin 2030-cu il Dayanıqlı İnkişaf Məqsədlərinə nail olmağa ümid yaradır.

Ə.Əhmədov vurğulayıb ki, lakin bütün dünyanın liderlərinin öz siyasi iradəsini ortaya qoyması ən vacib şərtlərdən biridir.

O deyib ki, dünyada qaçqın və məcburi köçkün problemləri, münaqişələr aradan qalxmalıdır ki, Dayanıqlı İnkişaf Məqsədlərinə nail olmaq mümkün olsun:

"Azərbaycanın 20 faiz ərazisi işğal altında qalmaqdadır. Həmin ərazilərdən ölkəmiz istifadə edə bilmir. Beynəlxalq ictimaiyyət səylərini səfərbər etməlidir ki, qaçqın və məcburi köçkün problemi, haqsızlıqlar, etnik təmizləmələr aradan qalxsın və beləliklə, 2030-cu ilə qədər dünyanın simasını dəyişmək mümkün olsun”. (trend)


sizin reklam yeriniz

Qeydiyyat



Giriş



Təklif və iradlar

Buradan təklif və iradlarınızı
bizə göndərə bilərsiniz.